Эслатиб ўтамиз, Форс кўрфази мамлакатларида фуқароликни олиш ҳар доим жуда қийин бўлган, чунки анъанавий равишда минтақада яшаётган экспатриантлар ва чет элликларга берилмайди. Бу консерватизмнинг сабаблари тушунарли – токи одамлар нефть рентасида яшар экан, фуқаролар сонини кўпайтириш шунчаки фойдасиз эди. Аммо замонлар ўзгармоқда ва мамлакатлар рентада абадий яшай олмаслигини тушунишмоқда.
Saudi Project ҳукумат платформаси твиттерида хабар қилинишича, қиролликнинг мақсади «араб дунёси ундан мағрурланадиган ва қиролликка серқирра хаб бўлишга имкон берадиган бутун дунёдан олимлар, интеллектуаллар ва новаторларни» жалб қилиш ҳисобланади.
Қироллик криминология ва тиббиёт фани, технологиялар, қишлоқ хўжалиги, атом ва қайта тикланадиган энергетика, нефть, газ ва сунъий интеллект соҳасида экспертлардан манфаатдор.
Санъат, спорт ва маданият билан шуғулланадиган одамлар ҳам фуқароликка номзодлар қаторига киритилади, чунки улар «кенг жамоатчилик фойдасига хизмат қиладиган Саудия Арабистони билимлари ва ваколатларини кенгайтиришни қўллаб-қувватлаши ва хизмат қилиши» мумкин.
Саудия Арабистони фуқаролари одатда уларнинг мамлакат бойлигига ҳиссаси сифатида кўриб чиқиладиган иқтисодий фойда ва стипендия олади.
Саудия Арабистони фуқаролиги ҳақида амалдаги қонун қиролликда камида беш йил яшаган хорижий фуқароларни натурализация қилишга рухсат беради.
Бироқ саудиялик ҳомий мавжудлиги каби талаб мамлакатда яшайдиган чет элликлар доимий истиқомат учун гувоҳнома олишини чегаралаган.
Қироллик фармонида айтилишича, «фуқаролик олишга ариза берган ва белгиланган мезонларга жавоб берадиган шахсларга бутун дунёда фуқаролик берилади».
Саудия Арабистони фуқаролигини ушбу мамлакатда яшайдиган яманликлар ҳам олади.
Фармонда шунингдек, қиролликдаги кўчиб ўтган қабилалар аъзолари ва фуқаролик ғояси ўтган асрда жорий қилинганда паспорт олмаган саудиялик ота-оналардан туғилган аҳоли ҳам ёдга олиб ўтилади.
У шунингдек, саудиялик оналар томонидан чет эллик оталардан туғилган болаларнинг мақомини ҳам белгилаб беради.
Экспертнинг таъкидлашича, Саудия Арабистони ушбу ташаббусдан оладиган иқтисодий ва ижтимоий фойда жуда катта бўлади, чунки фармон, шубҳасизки, қиролликка кўплаб иқтидорлар жалб қилади.
