Франция президенти сешанба куни кечқурун уч соатлик телеинтервьюсида Исроилнинг Ғазо секторидаги ҳаракатларини "шармандали" деб танқид қилди.
Исроил бош вазири Бинямин Нетаньяху Франция президенти Эммануэл Макронни қоралаб, у "яна бир бор ҲАМАС томонида туришни танлаганини" айтди.
"Исломий террорчи ташкилотларга қарши курашда ғарб демократик лагерини қўллаб-қувватлаш ва гаровга олинганларни озод қилишга чақириш ўрнига, Макрон яна Исроилдан таслим бўлишни талаб қилмоқда ва терроризмни рағбатлантирмоқда", - деди Бинямин Нетаньяху чоршанба куни X ижтимоий тармоғидаги постида.
"Исроил тўхтамайди ва таслим бўлмайди", - дея қўшимча қилди у.
Франция президентининг интервьюсини Исроил мудофаа вазири Исраэль Кац ҳам танқид қилди.
"Яҳудийлар ўзларини ҳимоя қила олмаганида Францияда нима бўлганини яхши эслаймиз. Президент Макрон бизга ахлоқдан дарс ўқимайди. Исроил дўсти деб атайдиганлардан Исроил давлатини йўқ қилиш билан таҳдид қилаётган ҲАМАС террорчи ташкилотига ва Эрон ёвузлик ўқига қарши урушида Исроилни қўллаб-қувватлаши кутилмоқда, унинг ўзини ўзи ҳимоя қилиш ҳуқуқини рад этишга ҳаракат қилиш эмас", - деб ёзди у X ижтимоий тармоғида.
"ЦАҲАЛ қийин ва мураккаб шароитларда мисли кўрилмаган ахлоқ даражасида ҳаракат қилмоқда - албатта, Франция ўзининг ўтмишдаги урушларига қараганда кўпроқ", - дея қўшимча қилди Исраэль Кац.
Исроил расмийларининг сўзлари Эммануэл Макроннинг сешанба куни кечқурун бўлиб ўтган уч соатлик телеинтервьюсига жавоб бўлди. Унда Франция президенти Европа Ғазо секторидаги жанг ҳаракатлари учун Исроилга қарши санкциялар киритиш имкониятини кўриб чиқиши кераклигини айтди, у ерда юз минглаб одамлар ҳозирда очлик хавфи остида деб ҳисобланади.
"Унинг қилаётган иши шармандали", - деди Эммануэл Макрон TF1 телеканалидаги интервьюсида.
19 ойдан бери давом этаётган Исроил ва ҲАМАС ўртасидаги уруш 2023 йил 7 октябрда бошланган. Ўшанда жангарилар Исроил жанубига ҳужум қилиб, 1200 кишини ўлдирган ва яна 250 га яқин кишини гаровга олган эди.
Хуллас, Исроилнинг Ғазодаги вахшийлигини танқилд қилганларни Исроилнинг қўнхўр раҳбарлари "Исломий террорчи ташкилотларга қарши курашда ғарб демократик лагери" тарафда турмаганликда айблаши ҳаммасидан ошиб тушди...
Абу Муслим тайёрлади
