Дания Адлия вазири Питер Хуммелгаарднинг маълум қилишича, Копенгагенда бундай хатти-ҳаракатлар жиноий жавобгарликка айланади, улар икки йилгача қамоқ жазосига ҳукм қилинади.

Унинг сўзларига кўра, Қуръонни ёқиш ҳолатлари "данияликларнинг чет элда ҳам, мамлакат ичида ҳам хавфсизлигига зарар етказадиган масхара қилиш ҳаракатларидир".

Шу билан бирга, гап ҳокимиятнинг бирор нарса ҳақида ўйлаш ёки гапиришни тақиқлаши ҳақида эмас, балки фикр билдиришнинг янада маданиятли усуллари ҳақида кетяпти, дея қўшимча қилди у.

Ўз навбатида, Дания ташқи ишлар вазири Ларс Лёкке Расмуссен қарорни муҳим сигнал деб атади.

Дания ҳукумати сўнгги ойларда баъзи ҳолларда икки томонлама муносабатларнинг кескинлашишига олиб келган мусулмон мамлакатларидаги оммавий норозиликларга шундай муносабат билдирди.

Ҳозиргача Данияда сўз эркинлиги принципи шу қадар кенг қамровли тарзда кўриб чиқилганки, у Қуръонни ёқиш ва шунга ўхшаш ҳаракатларни тақиқламаган.

Шунга ўхшаш тақиқ Швецияда ҳам муҳокама қилинмоқда.