Қачонки антисемитизмга қарши кураш исламофобия, арабларга қарши ирқчилик ёки колониализмни оқлаш воситасига айланса — шунда аён бўлади: бу кураш ҳақиқат учун эмас, балки ҳокимият манфаатлари учун олиб борилмоқда. Мусулмонлар содда ҳам, сукут сақловчи ҳам бўлмасликлари керак. Ҳақиқий ҳамдардлик — бу овозини ўчирмоқчи бўлганлар учун гапиришдир. Бу қаршилик эмас, балки ҳақиқат учундир.

Аллоҳ Таоло шундай дейди: "Эй мўъминлар, Аллоҳнинг ўзи учун ҳақ йўлни тутгувчи, адолат билан шаҳодат - гувоҳлик берувчи бўлингиз! Бирон қавмни ёмон кўришингиз сизларни адолат қилмасликка тортмасин! Адолат қилингиз! Шу тақвога яқинроқдир. Аллоҳдан қўрқингиз! Албатта Аллоҳ қилаётган амалларингиздан хабардордир. (Моида сураси, 8-оят)

Дональд Трамп — Исроиллик раввин Йехуда Каплунни — «Фаластин ҳеч қачон мавжуд бўлмаган» дея баёнот берган шахсни — АҚШ Давлат департаментидаги антисемитизмни кузатиш ва унга қарши кураш бўйича махсус вакил этиб тайинлади. Бу тайинлов — иқтидорнинг иккиюзламачилигининг яққол мисолидир, айниқса, Трамп маъмурияти узоқ вақтдан бери ультра-ўнгчилар, оқ миллатчилар ва антисемит риторика билан боғланиб келаётганини ҳисобга олсак.

Каплун ўзининг ахлоқий барқарорлиги билан эмас, сиёсий саҳнакорлиги билан танилган. Унинг “антисемитизмга қарши кураш”даги вакиликка тайинланиши айниқса циник кўринади, айниқса, у фаластинлик халқнинг тарихий ҳуқуқларини инкор қилар экан. Бу нафратга қарши кураш эмас, балки антисемитизм мавзусини Исроил танқидига қарши қурол сифатида ишлатиш ва оккупацияни оқлашдир.

Антисемитизм — сиёсий қурол сифатида

Бу иккиюзламачилик янада равшан бўлади, агар эсга оламизки, Каплун Трампнинг шундай тадбирларидан бирини ташкил этган, унда Трамп анъанавий антисемитик кляузани ишлатган:

“Агар мен сайловда ютқазсам, бунга яҳудийлар айбдор бўлади”, деб айтган,

ва демократларни “америкалик яҳудийлар устидан лаънат” деб атаган.

Бироқ энди ўша Трамп ўзини антисемитизмга қарши курашувчи қилиб кўрсатмоқда, ва шундай шахсни тайинламоқдаки, ўзи бошқа бир халқ — фаластинликларни дегуманизация қилишда иштирок этмоқда. Бу шуни исботлайдики, у учун “антисемитизмга қарши кураш” — эркин фикрни босим остига олиш ва Исроил апартеидини оқлаш воситасидир.

Мусулмонлар сукут сақлашлари мумкин эмас, агар “антисемитизмга қарши кураш” ниқоби остида фаластинликларнинг озодлик ва қадр-қиммат ҳуқуқи инкор қилинаётган бўлса. Фаластин мавжуд эмас деган баёнот — бу тарихий ревизионизм, яъни колониячи босқинларни оқлаш учун қилинган тафсирдир.

Бугунги кунда Фаластин — бу тизимли зулмнинг энг равшан мисолларидан бири. Мусулмонлар “хавфсизлик” шиори ортида бир халқнинг ҳуқуқлари поймол этиладиган амалиётларга нисбатан бефарқ қололмайдилар.

Йехуда Каплунни тайинлаш — бу нафратни йўқ қилиш йўлидаги қадам эмас, балки “антисемитизмга қарши кураш” шиори остида фаластинликларни қўллаб-қувватловчи овозларни тўхтатиш стратегиясининг бир қисми.



Мусулмонлар бу каби ҳолатларга:

•    Иккиюзламачиликни фош этишлари керак — бир турдаги ирқчиликка қарши курашиб, бошқасини оқлаб бўлмайди.

•    Ҳақиқий адолатни талаб қилишлари керак — фақат яҳудийлар учун эмас, балки фаластинликлар, мусулмонлар ва бошқа зулм кўрганлар учун ҳам.

•    Эслашлари керакки, Ислом — зулм кўрганлар томонида туради — Фаластинда бўлсин, бошқа жойдами.

Трамп ва маъмуриятининг иккиюзламачилиги шуни исботлайдики: уларнинг кураши инсон ҳуқуқлари учун эмас, балки ҳокимият ва муқобил фикрни босимга олиш учун. Мусулмонлар эса ҳақиқат томонида туришлари керак, ҳатто бу сиёсий конъюнктурага қарши бўлса ҳам.

Исламофобия — сиёсий қурол сифатида

Исламофобия — Ислом ва мусулмонларга нисбатан қўрқув ёки нафрат — Ғарбда “душман образи”ни яратиш учун фаол қўлланилмоқда. Сиёсатчилар ва оммавий ахборот воситалари кўп ҳолларда мусулмонларни террорист, асоссиз радикал, Ғарб қадриятларига қарши шахслар сифатида тасвирлайди.

АҚШ ва Европада исламофобия риторикаси кўплаб ўнгчи сиёсий ҳаракатларнинг ажралмас қисмига айланган. Масалан, Трамп маъмурияти давридаги мусулмон давлатларга сафар тақиқи ("Muslim Ban") “хавфсизлик” деб баҳона қилинган, аслида эса мусулмонларга нисбатан тажовуз ва стигматизацияни кучайтирган.

Фаластин масаласи — мусулмонлар учун адолат тимсоли

Дунё бўйлаб кўплаб мусулмонлар учун Фаластин масаласи — адолат учун марказий масаладир. Чунки Қуддус ва ундаги Масжидул Ақсо мусулмонлар учун жуда катта муқаддас аҳамиятга эга.

Бироқ, ушбу қўллаб-қувватлаш кўпинча уларнинг ўзларига қарши ишлатилади. Фаластинни қўллаб-қувватлаётганларни — ҳатто агар танқидлари фақат Исроил сиёсатга қаратилган бўлса ҳам — антисемитликда айблашмоқда.

Фаластинликлар кураши ва мусулмон озчиликлар кураши ўртасида ўхшашликлар бор. Ҳар иккала гуруҳ ҳам:

•    Системали камситиш,

•    ижтимоий четлатиш,

•    овозсизликка маҳкум қилиш уринишларига дуч келишмоқда.

Бироқ адолат йўлида ямин-яҳудийлар, мусулмонлар ва бошқа диндорлар ўртасида ҳамкорлик мумкин. Кўпгина прогрессив яҳудийлар фаластинликларни қўллаб-қувватлашмоқда. Шунингдек, кўп мусулмонлар ҳам антисемитизмга қарши кураш, жамоалар орасида мулоқот тарафдоридир.

Йехуда Каплунни тайинлаш шундай ҳақиқатни очиб бермоқда:

“Антисемитизмга қарши кураш” — бу ҳақиқий нафратга қарши кураш эмас, балки сиёсий қурол сифатида қўлланилмоқда.

Бу нафақат антисемитизмга қарши ҳақиқий курашга бўлган ишончни заифлаштиради, балки фаластинликлар ва мусулмонларнинг азоб-уқубатларини ҳам кучайтиради.

Мусулмонлар ва бошқа озчилик гуруҳлари шунга ўхшаш синовларга дуч келишмоқда:

•    Уларнинг динлари ва маданиятлари нотўғри талқин қилинаётган,

•    стереотиплар асосида камситишлар оқланмоқда.

Шу боис ёдда тутиш лозимки, адолат — умуминсоний қадриятдир.

Фаластинликлар ҳуқуқини ҳимоя қилиш ва антисемитизмга қарши кураш — бир-бирига зид эмас.

Фақат мулоқот, ўзаро ҳурмат ва сиёсий манипуляциядан воз кечиш орқали ҳамма учун тинчлик ва адолат таъминланиши мумкин.

Абу Муслим