Ҳужжатлардан бирида айтилишича, Херсон йўналиши "махсус операциянинг ҳозирги босқичида Россия армияси учун энг қийин". Тарғиботчилар бу вазиятни Украина "Ғарбдан янги ёрдам сўраш учун террористик тузилмаларининг жанговар қобилиятини намойиш этиши жуда муҳим" эканлиги билан изоҳлашни таклиф қилмоқдалар: «Киев ўз йўқотишлари билан ҳисобланмайди - у янги хандақлар ва қурол-яроғ таъминоти учун ўзининг ва бошқаларнинг ўн минглаб одамларини ўлдиришга тайёр. Россия қўшинлари тинч аҳоли ва ходимларнинг ҳаётини сақлаб қолишга ҳаракат қилмоқда. Шаҳардан тинч аҳолини Днепрнинг чап қирғоғига эвакуация қилиш айнан улкан миллатчилар гуруҳининг шаҳарга оммавий зарба бериш хавфи билан изоҳланади».
Россияпараст ҳукуматлар октябр ойи ўрталарида аннексия қилинган Херсон вилоятидаги Днепрнинг ўнг қирғоғидан одамларни олиб чиқишни бошладилар. Ноябр ойи бошида Путин Херсоннинг "тинч аҳоли"ни жанговар зонадан "олиб чиқиш" кераклигини, босқинчи ҳукумат эса "мажбурий эвакуация" ҳақида эълон қилганди. 7 ноябрь куни ушбу "эвакуация" якунлангани эълон қилинди – «Медуза» ёзганидек, айрим шаҳар аҳолининг маълум бир қисми қолиб, Украина армиясининг келишини кутишмоқда.
Херсондан эҳтимолий чекинишнинг яна бир сабаби сифатида, қўлланмада айтилишича, Украина ва НАТО давлатлари "барча кучларини фронтнинг шу йўналишига ташлаганлар" ва бу "катта қон тўкиш" билан таҳдид қилади: "Зеленский қонли жанг қилишни хоҳлайди, Украина Қуролли Кучлари вакилларини бутун дунёга жафокашлар қилиб кўрсатиш, янги пул талаб қилиш учун. Душман Херсоннинг Россия учун тузоққа, ўн минглаб қурбонлар бўлган жанг майдонига айланишини хоҳлайди.
Украина Қуролли кучлари Каховская ГЭСини вайрон қилиб, теракт уюштиришни режалаштирмоқда. ГЭСни бузиш аскарларимиз учун "тузоқ"га айланиши мумкин. Бундай ҳолда, тинч аҳоли яшайдиган аҳоли пунктлари сув остида қолади, ҳарбийларимиз «қозон»га тушиб қолади ва ҳатто жангга киришолмайди - улар шунчаки ювилиб кетади.
Аввалроқ Украина президенти Владимир Зеленский Каховская ГЭСи тўғонини миналаган россиялик ҳарбийлар эканлигини маълум қилганди; унинг портлаши натижасида 80 га яқин Украина аҳоли пунктлари, жумладан Херсон сув остида қолиши мумкин.
Бундан ташқари, тарғиботчиларга Херсондаги шаҳар жанглари "номақбул" эканлигини таъкидлаш тавсия этилади, чунки "улар ҳар доим энг қийин ва ҳалокатли" ва Украина Қуролли Кучлари "Херсонни шунчаки ер билан яксон қилиши мумкин".
«Медуза» аввалроқ хабар берганидек, Херсондаги рус қўшинлари ҳақиқатдан ҳам қийин аҳволда. Уларни таъминлаш ниҳоятда қийин, чунки асосий базалар Днепрнинг нариги томонида жойлашгани ва кўприклар Украина томони томонидан доимий равишда ўққа тутилмоқда. Таъминот билан боғлиқ қийинчиликлар туфайли тўлиқ мудофаа учун ушбу гуруҳни яратиш деярли имконсиз.
Кремлда тайёрланган иккинчи «методичка»да давлат ташвиқоти дипломат, тарихчи ва сиёсатшунос, Россия Федерацияси Хавфсизлик Кенгаши ҳузуридаги илмий кенгаш аъзоси Анатолий Торкуновнинг нутқига "эътибор бериш" зарурлиги алоҳида таъкидланган. Путин ва тарихчилар ўртасидаги учрашувда Торкунов Полтава жангини эслаб, ундаги ғалабадан олдин Пётр I "Полтавага чекинганини" ва бу чекиниш охир-оқибат "урушда бурилиш нуқтасига" олиб келганини айтди.
«Медуза»нинг Кремлга яқин бўлган икки манбаси таъкидлашича, ҳозирда Россия расмийлари Херсоннинг таслим бўлишини фронтда "исталмаган", аммо "эҳтимолли" сценарий сифатида кўрмоқда. Илгари Россия расмийлари (шу жумладан энг юқори мартабалилар) уруш бошида қўлга киритилган минтақа ҳудудларида "Россия абадий" деб бир неча бор айтишган.
"Мен яна бир бор Херсон вилоят ахолисига мурожаат қилиб, Россия бу ерда абадий эканлигини айтишни истардим. Бунга ҳеч қандай шубҳа бўлмаслиги керак. Ўтмишга қайтиш бўлмайди. Биз бирга яшаймиз", - дебди, хусусан «Единая Россия» Бош кенгаши котиби Андрей Турчак май ойида.
Шу билан бирга, «Медуза»нинг Кремлга яқин бўлган суҳбатдошлари, умуман олганда, фронтнинг бу қисмидаги вазият Москвага эмас, балки Украина Қуролли кучларининг ҳаракатларига боғлиқлигини таъкидладилар. "Агар оммавий ҳужум бўлмаса, таслим бўлиш ҳам бўлмайди", деб тушунтирди улардан бири. "Агар шундай бўлса, бу жуда ва жуда эҳтимоли юқори"
Медуза суҳбатдошларига кўра, Херсондан чиқиш бўйича якуний қарорни шахсан Путин, унинг "яқин доираси"даги одамлар (уруш бошланганидан кейин, асосан, юқори мартабали хавфсизлик ходимларидан иборат) иштирокида қабул қилиши керак. Россия президенти матбуот котиби Дмитрий Песков ушбу мақола чоп этилгунга қадар «Медуза» саволларига жавоб бермаган эди.
Шу билан бирга, манбаларга кўра, Кремл гўёки Россия армияси 2023 йил қишида Украинага янги кенг кўламли ҳужумни бошлаши мумкин бўлишини кутмоқда. «Медуза» аввалроқ ёзганидек, Кремл вақт орттириш ва шу муддатгача сафарбар қилинган россияликларнинг максимал сонини тайёрлашга вақт топиш мақсадида Украина билан эҳтимолий музокаралар ҳақида тобора кўпроқ гапирмоқда. Ғарб оммавий ахборот воситалари Одессани ушбу ҳужумнинг эҳтимолий нишонлари қаторига киритиши мумкинлигини таъкидладилар: уларга кўра, Кремл Одессани "урушнинг кейинги босқичидаги асосий стратегик мукофот" сифатида нишонга олиши мумкин.
