Спиртли ичимликларни истеъмол қилиш ёшлик чоғида ўлим ва ногиронликка олиб келади. 20-39 ёшдаги одамлар орасида барча ўлимларнинг тахминан 25% спиртли ичимликлар билан боғлиқ.
ЖССТ маълумотларига кўра, спиртли ичимликларни суиистеъмол қилиш ва бир қатор руҳий ва хулқ-атвор хасталиклари, бошқа юқумли бўлмаган касалликлар, жароҳатлар ўртасида сабаб-оқибат алоқалари мавжуд. Охирги пайтларда спиртли ичимликларни суиистеъмол қилиш ва юқумли касалликларга чалиниш, жумладан, сил, ОИТС ўртасида боғлиқлик аниқланди.
Спиртли ичимликлар шахслар ва жамиятга сезиларли ижтимоий ва иқтисодий зарар етказиши сир эмас. Россияда алкогол (ва тамаки) маҳсулотлари истеъмолини камайтириш бўйича қўшимча чоралар кўрилиши мумкин, дея иқтибос келтиради РИА Новости бугун Бош вазирнинг ижтимоий масалалар бўйича муовини Татьяна Голикованинг сўзларидан. Ушбу чора-тадбирлардан бири спиртли ичимликлар харидорлари ёшини 20 йилга ва ҳатто 21 йилга кўтариш бўлиши мумкин.
Татьяна Голикованинг айтишича, 15 йил давомида Томск, Барнаул ва Бийскда тадқиқотлар ўтказилган бўлиб, натижалар шуни кўрсатдики, агар бир киши бир ҳафтада 3 шиша ароқ ичса, 35-54 ёшида унинг ўлими хавфи 19% га ошади. Агар 55-74 ёшли одамлар томонидан шунча миқдорда спиртли ичимликлар истеъмол қилинса, хавф 28% га ошади.
Бош вазир ўринбосари соғлиқни сақлаш вазирлиги аллақачон соғлом турмуш тарзини шакллантириш дастурини яратганини эслатди. Татьяна Голикова 2019 йил 1 январдан дастур кенг жамоатчиликни қамраб олади, деб умид қилади. "Ҳозир бу йўналишда тиббиёт кўнгиллилари аҳоли орасида тегишли маълумотларни тарқатиб, фаол иш олиб борибмоқда. Аммо соғлом турмуш тарзи мотивациясига кўпроқ таъсир кўрсатадиган қўшимча чора-тадбирлар кўрилиши лозимлиги шубҳасиз", - дейди Бош вазир ўринбосари.
Россия Федерацияси Давлат Думаси ҳам алкоголизмга қарши курашиш учун кенг қамровли дастур устида ишламоқда. Лойиҳа шу йил охиригача қабул қилиниши мумкин, дея хабар беради Medvestnik.ru порталига соғлиқни сақлаш бўйича қўмита раиси муовини, алкоголизмга чалинган беморларга нисбатан тиббий чораларни қўллаш соҳасидаги қонунчиликни такомиллаштириш бўйича ишчи гуруҳ раҳбари Николай Говорин. Унинг сўзларига кўра, Россияда ичкиликбозлик ва у билан боғлиқ соматик касалликлар туфайли ҳар йили 500 минг киши нобуд бўлади.
Далда берадиган статистика ҳам бор - ВЦИОМ яқинда Россияда спиртли ичимликларни истеъмол қилиш даражаси пасайиши бор, деб хабар қилди: агар 2009 йил 26% россияликлар умуман спиртли ичимлик истеъмол қилмаслигини айтган бўлса, 2018 йилда – бу кўрсаткич 40%ни ташкил қилди (18-24 ёшли орасида – 57%). 58% россияликлар вақти-вақти билан, лекин кўпчилик ҳолларда - бир ойда бир неча марта ичади, респондентларнинг 40%и ўтган йили улар камроқ ичишни бошлаган, деб айтади (фақат 3% спиртли ичимликлар истеъмол ҳажмининг ортгани ҳақида айтган).
Респондентларнинг 14%и бир ойда икки ёки уч марта, эркаклар орасида 23%, аёллар орасида 7%, ва турли ёш гуруҳлари бу улуши 25-34 ёшлилар орасида энг юқори (19%).
Бироқ, ВЦИОМ маълумотларига кўра, спиртли ичимликларни (унинг барча турларини) зарарли деб ҳисоблайдиганларнинг улуши маълум даражада камайди. 2017 йилда, россияликларнинг 80%и, 2018 йилда эса 55%и шундай фикр билдирди.
