Бу муаммо билан Флорида штати Таллахасси университети олимлари шуғулланиб кўрдилар. Тадқиқотлар давомида улар сперма ишлаб чиқариш босқичида эркак каламушларда никотин таъсирини текшириб кўрдилар. Никотин кичик-кичик миқдорда сувга қўшиб берилди. Сўнгра бу каламушларга никотин таъсирига асло учрамаган урғочи каламушлар жуфтлашишга имкон берилди. Оталарнинг ўзини тутиши норма эканлигига қарамай, иккала жинсдаги болалар гиперфаоллик, эътибор танқислиги ва когнитив мослашувчан эмасликни намойиш этган. Биринчи авлод урғочилари вояга етгач, улар никотин билан ишлов берилмаган каламушлар билан жуфтлаштирилди. Дунёга келган урғочи каламушлар ўзини нормал тутган бўлса, «кашанда» каламушлар неваралари бўлган эркак каламушларда ҳам, гарчи биринчи авлод билан таққослаганда кичикроқ бўлсада, когнитив муаммолар қайд этилди, деб хабар беради Outline.

Таҳлилнинг кўрсатишича, никотин билан ишлов берилган эркак каламушларда сперматозоидлар эпигенетик модификацияга учраган. Хусусан, ушбу модда таъсири остида миянинг ишлаши ва ўқиш учун муҳим аҳамиятга эга бўлган D2 дофамин рецептори гени фаоллиги ўзгарди. Эҳтимол, айнан шу каламушларда когнитив муаммоларга олиб келган. Эркаклар аёллардан кўра кўпроқ тамаки чекиши сабабли отанинг тамакига муккасидан кетганлиги  унинг фарзандлари ва набираларига жиддий зиён етказиши мумкин, огоҳлантиради олимлар.