Bloomberg суҳбатдошларига кўра, Туркия Швеция ва Финляндиядан Курдистон ишчилар партиясини оммавий равишда қоралашни, уни ва курд халқининг ўзини ўзи ҳимоя қилиш бўлинмаларини (YPG) террористик ташкилотлар сифатида тан олишни ва шунингдек, унинг тарафдорлари фаолиятини тўхтатишни талаб қилмоқда.
Туркия, шунингдек, унинг 2019 йилда Сурияга бостириб кирганидан кейин Швеция ва Финляндиянинг қурол экспортига қўйилган чекловларни бекор қилишини истайди. Анқара истаклари у Россиядан С-400 ҳаво мудофаа тизими сотиб кейин четлатилган F-35 самолёт дастурига киритилишни, АҚШдан F-16 қирувчи самолетлари сотиб олиш ва С-400 эгалик учун санкциялар бекор қилишни ҳам ўз ичига олади.
Швеция Бош вазири Магдалена Андерссон Финляндия ва Швеция 18 май куни НАТОга аъзо бўлиш учун биргаликда ариза топширишини маълум қилди.
17 май куни Швеция ташқи ишлар вазири Анне Линде мамлакатнинг НАТОга аъзолиги тўғрисида ариза имзолади. Ўша куни Финляндиянинг аризасини мамлакат ташқи ишлар вазири Пекка Хаависто имзолади.
Туркия Президенти Ражаб Тойиб Эрдоғаннинг айтишича, мамлакат Швеция ва Финляндиянинг Альянсга қўшилиш режаларини қўллаб-қувватлай олмайди. Кейинчалик, у мамлакатлар делегациялари музокаралар учун Анқарага келишлари шарт эмаслигини айтди.
Бунгача НАТО Бош котиби Йенс Столтенберг Туркия Финляндия ва Швециянинг альянсга қўшилишига тўсқинлик қилмаслигига ишора қилганини айтди. Унинг сўзларига кўра, мамлакатлар аъзоликка ариза топширгандан сўнг НАТОга "қучоқ очиб" қабул қилинади.
Россиялик диктатор Владимир Путин Финляндия ва Швецияда Шимолий Атлантика альянсининг ҳарбий инфратузилмаси пайдо бўлишига "жавоб чоралари" билан таҳдид қилмоқда. 14 май куни Финляндия Президенти билан суҳбат чоғида Путир мамлакатнинг бетарафликни рад этишини "хато" деб атади.
