Шереметнинг сўзларига кўра, СССРнинг мавжудлиги НАТОни "бутун дунёни қул қилиш ва мустамлака қилиш" истагидан тийиб турган.
"Ғарб экспансияси ва агрессиясига самарали қаршилик кўрсатишга қодир бўлган суверен давлатларни ягона ҳарбий-сиёсий ва иқтисодий блокка ихтиёрий бирлаштиришнинг коллектив тизимига қайтишни мақсадга мувофиқ деб биламан", — деди депутат.
СССР янги конфедерациянинг прототипига айланиши мумкин ва бундай мустақил давлатлар иттифоқининг ташкил этилиши мамлакатларга ўз суверенитетини мустаҳкамлаш имконини беради, деб ҳисоблайди у.
Унинг фикрича, янги блок ўз чегаралари бўйича Совет Иттифоқи чегараларидан ошиб кетиши мумкин.
Шу билан бирга, у Россияда янги иттифоқ хавфсизлигини таъминлаш учун барча имконият ва салоҳият мавжудлигини таъкидлади.
Унинг қўшимча қилишича, бундай иттифоқда мамлакатларнинг ҳар бири тенг ҳуқуқларга эга бўлиб, бир-бирининг суверенитети ва маданиятини ҳурмат қилади.
Аввалроқ Беларус президенти Александр Лукашенко собиқ Совет Иттифоқи ҳудудидаги давлатлар ўз суверенитетини сақлаб қолишни истаса, Беларусь ва Россия иттифоқ давлатига яқинлашиши кераклигини айтган эди.
