Рассом Жуинанинг твиттердаги аккаунтида "кун сурати" сифатида чоп этилган мультфильмида шикастланган бино, ағдарилган машина ва вайроналар уюми тасвирланган ва "Танкларни юбориш ҳам шарт эмас".
Ижтимоий тармоқ фойдаланувчилари журнални минглаб одамларнинг ҳаётига зомин бўлган ва кўпчиликни яралаган, бизни йиғлатган фалокат устидан кулгани учун танқид қилишди.
Улар иллюстрацияни беодоб, бемаза ва қабул қилинган "ақлли ҳазиллар ва қора ҳазил" доирасидан ташқарида деб аташди.
«Якин» Исломшунослик институтидан машҳур америкалик Имом Умар Сулаймон ҳам нашр ҳақида твит ёзиб, расм мусулмонларни қурбон сифатида "ҳар томонлама дегуманизация қилишини айтди".
Твиттернинг кўплаб фойдаланувчилари, шу жумладан телебошловчилар ва нуфузли шахслар бошланғич постни журнал билан бир хил бадиий услубда туалет қоғозига ёзилган Charlie Hebdo нинг тасвири билан тўлдиришни бошладилар.
«Франциянинг «Charlie Hebdo» туалет қоғози бренди ўзининг у ҳозирги воқеалар ҳақидаги одатий "кескин" қарашларига қайтди [оригиналда шундай]», — деб ёзди Твиттер фойдаланувчиларидан бири.
«Сизнинг штабингизда фожиа рўй берди ва сиз «Je suis Charlie» шиорини ўйлаб топдингиз. Икки мамлакат фожиани бошдан кечирмоқда, сиз эса ҳурматсизлик билан ёзгансиз. Канализация каламушларисиз, ҳаммангиз».
Бошқа фойдаланувчилар 2015 йилги Je Suis Charlie кампаниясини ёдга олишди. Туркиялик бир сиёсий шарҳловчи Твиттерда, 2015 йилда журналнинг Париждаги бош қароргоҳида юз берган отишмадан сўнг турклар "сўз эркинлиги" маршларини қўллаб-қувватлашга бекор шошилишганини ёзди.
Ҳужум чоғида "ал-Қоида" вакили эканини иддао қилган икки ака-ука Саид ва Шериф Куаши Charlie Hebdo офисига бостириб кириб, ўт очган, натижада 12 киши ҳалок бўлган, 11 киши яраланган.
"Гўдаклар вайроналар остида ҳали ҳам ёрдам кутаётган пайтда буни амалга ошириш учун сизда сурбетлик бўлиши керак", - деб ёзишди ижтимоий тармоқларда.
Шунингдек, кўплаб фойдаланувчилар ушбу расм аввалроқ Муҳаммад пайғамбар соллоллоҳу алайҳи васаллам тасвирланган ва Яқин Шарқдаги фожиаларни акс эттирувчи карикатураларни чоп этган жанжалкаш журналга хос эканлиги ҳақида твит ёзишган.
"Бу газетанинг ягона даромад манбаи исломофобия, у бошқа бирор нарса чоп эта бошлаган куниёқ ўз фаолиятини тўхтатади.
Кўча тиланчиларининг даромади бу газетаникидан тозароқ. Ахлоқсиз ҳаромилар".
Туркия президенти матбуот котиби Иброҳим Қалин каби баъзи сиёсатчилар ҳам Твиттерда карикатурани танқид қилган.
"Замонавий варварлар! Ўз нафратингиз ва аламингизда бўғилиб ўлинг", деб ёзди у твиттерда.
Эътиборлиси, ҳатто илгари ўз "сўз эркинлиги" ҳуқуқини ҳимоя қилган турк дунёвий (секуляр) тарафдорлари ҳам карикатурадан ғазабланди. Маълум бўлишича, "сўз эркинлиги"да барибир чекловлар бор ва бўлиши керак, акс ҳолда бундай эркинлик эртами кечми, суяк устида рақсга, муқаддас нарсани масхара қилишга айланади.
