Қурайш халқи азалдан Шом билан савдо-сотиқ қилар, икки ўртада мунтазам қатнайдиган карвон бор эди. Кўпчилик нуфузли кишилар Мадина орқали ўтадиган карвонни қўриқлаб борарди. Пайғамбар алайҳис-салом мушрикларга иқтисодий жиҳатдан зарба бериш учун карвоннинг йўлини тўсиб, молларни мусодара қилишни мўлжалладилар. Бу усул уларни жангда енгиш имконини берарди. Икки ўртада қон токилиши муқаррар эди, ўз динига содиқ қурайшлар расулуллоҳнинг араблар эътиқод этадиган илоҳларни ҳақоратлаб, Исломга даъват этишларига томошабин бўлиб тураверишлари мумкин эмасди.