Адий ибн Ҳотимнинг Исломга кириши

Адий насроний эди. У ўз қавмида обрў-эътиборли киши эди. Жанглардан тушган ўлжаларнинг тўртдан бирига эгадорлик қилар эди. (Араблар удумига кўра бундай микдорни фақат уларнинг катталари, бошлиқлари олади). Адий ибн Ҳотим Расулуллоҳ соллоллоху алайҳи ва салламнинг даъватларини эшитгач, бу нарса унга ёқмади ва қавмини тарк қилиб, Шом насронийларига қўшилиб кетди

Адий айтади: "Шомликлар билан бирга туришни уни (Расулуллоҳ соллоллоҳу алайҳи ва салламни) ёмон кўришдан ҳам қаттиқроқ ёмон кўрдим. Кейин ўзимга ўзим айтдим: Унинг олдига бораман. Агар подшоҳ ёки ёлгончи бўлса, дарҳол билиб оламан, агар ростгўй бўлса, унга эргашаман".

Чиқиб, Мадинага - Расулуллоҳ соллоллоҳу алайҳи ва салламнинг ҳузурларига келдим. Масжидда эканлар, кириб салом бердим. Расулуллоҳ соллоллоҳу алайҳи ва саллам: "Кимсан?", дедилар. Адий ибн Ҳотимман, дедим. У зот ўринларидан туриб, мени уйларига бошлаб бордилар. Шу орада бир заифа, ёши катта аёл йўлиқиб, у кишини тўхтатиб, ўзининг муаммолари ҳақида гапириб кетди. Ичимда: Валлоҳи, бу киши подшоҳ эмас, дедим. Кейин мени уйларига олиб кирдилар. Теридан қилинган тўшакчани менга узатиб: "Шунга ўтиргин", дедилар. Мен: "Йўқ, ўзингиз ўтиринг", дедим. У зот: "Йўқ, сен ўтир", дедилар. Мен тўшакка ўтирдим, Расулуллоҳ соллоллоҳу алайҳи ва саллам ерга ўтирдилар. Яна ичимда: Оллоҳ номига қасам, подошоҳлар бундай қилмайди, дедим. Расулуллоҳ соллоллоҳу алайҳи ва саллам: "Хўш, Адий ибн Ҳотим, халиям Оллоҳдан ўзга бирон илоҳ бор деб биласанми?", дедилар. Мен: "Иўқ", дедим. "Оллоҳдан каттароқ, буюкроқ бирон нарса бор деб биласанми?". Йўқ, дедим. "Сен Ракусий (насронийлик билан Собиийлик ўртасидаги дин) динида эмасмидинг?". "Ҳа", дедим. Қавминг ўлжасидан тўртдан бирини олмасмидинг?" Ҳа, дедим. "Ахир бу еенинг динингда ҳалол эмас эдику?" дедилар. "Ҳа, Валлоҳи", дедим,

Сўнг яна дедилар: "Эй Адий, эҳтимол сени бу Динга киришдан тўсаётган нарса унинг аҳлининг камбағаллигидир. Оллоҳ номига қасамки, улар ораеида мол-дунё шундай тўлиб тошадики, ҳатто уни олувчи одам топилмай қолади. Яна сени бу (Динга) киришдан тўсиб турган нарса, бу Дин аҳлларининг душмани кўплигини ва ўзларининг ададлари озлигини кўраётганингдир. Оллоҳ номига қасамки, яқинда бир аёл ўз туясида Қодисиядан ҳеч қандай хавф-хатарсиз бу Байтни - Уйни зиёрат қилгани келибди, деб эшитасан...". Адий айтади: Шу сўзлардан кейин Исломни қабул қилдим.

Ибратли нукталар:

Адий ибн Ҳотимнинг Расулуллоҳ соллоллоху алайҳи ва саллам олдиларига келйши ва Исломга кириши воқеаси у зотнйнг олдига ҳар тарафдан вакиллар кела бошлаган пайтга тўгри келади. Адийнинг келишини ҳам мусулмон бўлганини эълон қилиб келган ўша вакиллар қаторига қўшишймиз мумкин. Леқин биз Адий ҳақида батафсилроқ маълумот беришни маъкул кўрганимизнинг сабаби, унда Исломий ақида асосларига тааллуқли муҳим ибратлар борлиги ва яна унда Расулуллоҳ еоллоллоху алайҳи ва саллам шахсиятининг равшан тасвири борлигидир. Подшоҳликдан, амирликни, обрўни яхши кўришдан, кибрдан холи, тоза бўлган Расулуллоҳ соллоллоҳу алайҳи ва салламнинг шахсияти Адий ибн Ҳотимга

жуда аниқ, равшан кўринди ва бу унинг Исломга киришига, ҳидоят топишига асос бўлди.

Адий айтади: "Расулуллоҳ соллоллоҳу алайҳи ва саллам мени уйларига олиб бордилар. Иўлда у кишига бир заифа, ёши катта аёл йўлиқиб у кишини тўхтатиб, ўзининг ҳожати ҳақида гапириб кетди. Узоқ туриб қолди. Шунда ичимда: "Валлоҳи, бу киши подшоҳ эмас", дедим.

Ҳа, подшоҳликка, дунёвий улуғликка интилган киши мазкур ҳолатга сабр қилиши қийин. Аммо Расулуллоҳ соллоллоҳу алайҳи ва салламнинг хулқлари, табиатлари доим шундай - сабрли, қунтли эди. Мажлисда саҳобаларидан ажралиб олмас эдилар. Турмушларида ҳам фақир, мискинлар даражасидан ўтиб кетмас эдилар. Хонтахтада овқатланганлари тўгрисида биронта ҳам ривоят йўқ. Саҳобалари бирон оғир ишни бошлашса, у зот ҳам улар билан бирга ўша ишга киришиб кетардилар. У зотнинг бундай сифатлари то Дорул-бақога риҳлат қилгунларича бардавом бўлди. У зотни бундай ҳолатда ушлаб турган сир Оллоҳ берган пайғамбарлик сирридир.

Адий шундай деган эди: "Расулуллоҳ соллоллоҳу алайҳи ва саллам мени уйларига олиб киргач, теридан қилинган бир тўшакчани олиб, менга узатиб: "Мана бунга ўтир", дедилар... Мен тўшакчага ўтирдим, ўзлари эса ерга ўтирдилар.. Ичимда: Валлоҳ, подшоҳлар бунақа қилмайди", дедим.

Эҳтимол Адий (у ўз қавми орасида жуда баланд мартаба эгаси бўлган) Расулуллоҳ соллоллоҳу алайҳи ва салламнинг уйида ўзида мавжуд бўлган тўкин-сочинликни, ҳашаматни кўраман деб ўйлагандир. Лекин у бунинг аксига - Расулуллоҳ соллоллоҳу алайҳи ва саллам унинг қаршисида қуруқ ерга чордана қуриб ўтиришига гувоҳ бўлди. Гўёки, Расулуллоҳ соллоллоху алайҳи ва салламнинг уйи Адийга шундай деяётгандай эди: Расулуллоҳ соллоллоҳу алайҳи ва саллам ўз даъвати ортидан на подшоҳликни, на бойликни ва на иззат-эътиборни талаб қилаётгани йўқ!

Эсласангиз, Расулуллоҳ соллоллоҳу алайҳи ва саллам Адийга шундай деган эдилар: "Ҳали мол-дунё мусулмонлар ичида шундай кўпаядики, ҳатто уни оладиган одам топилмай қолади". Расулуллоҳ соллоллоҳу алайҳи ва саллам рост айтган эканлар -Амир Умар ибн Абдулазиз йиғилган закотларни эгаларига - камбағалларга тарқатиб келиш учун Африка томонга ўз одамларини юборганда, улар закот оладиган камбағал топа олмай ортларига қайтиб келишган. Кейин ўша пулларга қуллар сотиб олиб уларни озод қилган.

Адий Пайгамбарликнинг чин белгиларини у зотнинг турмуш тарзларида, сўзу каломларида топди. Мана шу нарсалар унинг Исломга киришига ва ўзи шўнгиб кетган дабдаба-ю, асъасалардан воз кечишига сабаб бўлди.

Кишида фикр юритувчи ақл бўлса ва ўша тафаккур ёнида эркинлик ҳам етарли миқдорда бўлса, ҳар қанча қийин бўлмасин, ҳақиқатни қабул қилишдан, унга иймон келтиришдан бошқа илож қолмайди. Аммо фикр эркинлиги йўқ бўлса, ақлнинг ҳурмати топталса, унинг ўрнини гина, адоват, ҳавойи-ҳоҳиш эгалласа, у ҳолда ноҳақликка бўйин эгишдан, жаҳолат ботқоғига ботишдан ўзга қочиб қутиладиган жой қолмайди. Ана шундайларнинг

сифатларини бизга баён қилиб берган оламлар Парвардигори нақадар рост сўзлаган: "Улар (Пайғамбар алайҳис-саломга) дедилар:

"Дилларимиз сен бизларни даъват қилаётган нарсадан пардаланган, қулоқларимизда эса оғирлик-карлик бордир ва сен билан бизларнинг ўртамизда бир тўсиқ бордир. Бас, сен ҳам (ўз амалингни) қилавер, бизлар ҳам албатта (ўз амалларимизни) қилгувчидирмиз"." (фуссилат сураси, 5-оят).