7 октябрь 2023 йилдан буён Ғазо секторидаги қурбонлар сони 45 514 кишига етди, яраланганлар эса 108 189 кишига етган.
Израиль армиясининг қуролли ҳужумлари қуршовдаги ҳудудда 450 кундан буён тўхтовсиз давом этмоқда.
Ғазо сектори Соғлиқни сақлаш вазирлигининг маълумотига кўра, фақатгина ўтган сутка давомида израиллик ҳарбийлар томонидан содир этилган "учта оммавий қатл" натижасида 30 киши ҳалок бўлган, яна 99 киши яраланган.
Биноларнинг вайроналари остида ҳали ҳам минглаб ҳалок бўлганларнинг жасадлари қолмоқда, аммо фуқаро ҳимояси бригадалари израилликлар қўйган чекловлар сабабли уларга етиб бориш имконига эга эмас.
