Нубувватнинг ўнунчи санаси (ражаб ойида) Расули акрам соллаллоҳу алайҳи васалламнинг амакилари, ҳазрати Алий розияллоҳу анҳунинг оталари Абу Толиб дунёдин интиқол (сафар) қилди.
Бу зот ҳазрати Пайғамбаримиз соллаллоҳу алайҳи васалламни ёшликларидин тарбиялариға мутасадди бўлди. Пайғамбар бўлғонларидин кейин ҳам то ўлгунча, ҳамиша мададларида турди. Жаноб рисолатпаноҳ соллаллоҳу алайҳи васаллам хотирларидин ҳар турлук азияту кулфатлар чекса ҳам, шафқатин дариғ тутмади. Анинг учун бул кишининг вафотидин Набий карим соллаллоҳу алайҳи васаллам диллариға оғир ранж пайдо бўлди.
