Пулга муҳтожлиги жуда юқори бўлган умидсиз муҳожирлар ўз органларини сотишга рағбат сифатида фоҳишаларнинг бепул хизматларига алданиб қолишмоқда. «Тунги капалаклар» билан Ислом нуқтаи назаридан гуноҳ ҳаракатлар қилган ҳолда муҳожирлар, кўп вақт ўтмай, ўта аянч ҳолатда - муҳим органсиз ва арзимаган пул билан қолишмоқда, хабар беради Al Arabiya.
Мисрда органлар савдоси тақиқланган, лекин шунга қарамай, мамлакат «трансплантология туризми» маркази ҳисобланади. Асосан сомалилик муҳожирлар ноқонуний донорларга айланмоқда.
Апрелда жаҳон ҳамжамияти Александрия қирғоқларида танасида органлари чиқариб олинганининг изи бўлган 9 нафар сомалилик, жумладан, она ва унинг иккита боласи фотосуратларини кўриб, ларзага келди.
