-Абдуллоҳ ибн Умар розияллоҳу анҳумо: “Байтил Мақдисни анбиёлар бино қилган ва ўша ерда умр кечирганлар. Унда набий сажда қилмаган ёки фаришта қоим бўлмаган бирон қарич ер йўқдир”, деди.
-Ибн Аббос розияллоҳу анҳудан ривоят қилинади, у айтди: "Расулуллоҳ соллаллоҳу алайҳи васаллам: "Кимки жаннат боғларидан бир боғга қарамоқчи бўлса, Байтил Мақдисга қарасин. Байтил Мақдис Фирдавс жаннатидандир", дедилар.
-Қуръони каримдаги: “Унга ва Лутга нажот бериб, оламлар учун Ўзимиз баракали қилган ерга юбордик”, Анбиё сураси, 71 -оятидаги “баракали қилган ер”дан мурод, Байтил Мақдис еридир дейишган.
-Шунингдек, Аллоҳ таоло Мусо алайҳиссалом билан Байтил Мақдис ерида бевосита сўзлашган, Довуд ва Сулаймон алайҳимуссаломлар Аллоҳ таолога Байтил Мақдис ерида тавба қилганлар, Сулаймон алайҳиссаломга мулкини Аллоҳ таоло Байтил Мақдисда қайтарган.
-Закариё алайҳиссаломга Яҳё алайҳиссаломнинг туғилишлари ҳақида Байтил Мақдисда хушхабар берган, Аллоҳ таоло Сулаймон алайҳиссаломга тоғларни ва қушларни Байтил Мақдисда бўйсундириб берган.
-Барча пайғамбар алайҳимуссаломлар қурбонликларини Байтил Мақдисда келтирганлар ҳамда Яъжуж ва Маъжуж Байтил Мақдисдан бошқа бутун ер юзини эгаллайди, маҳв қилади”.
-Абу Журайждан ривоят қилинади: “Бандаларининг яхшиларини Байтил Мақдис томон ҳайдамагунча Қиёмат қойим бўлмайди. Бас, Аллоҳ у ерни уларга яшаш маскани қилиб беради”, деди.
-Абу Убайда ибн Жарроҳ розияллоҳу анҳудан ривоят қилинади: “Фитналар зоҳир бўлганда омонлик Байтил Мақдис томонда бўлади. “Ё Расулуллоҳ соллаллоҳу алайҳи васаллам, Байтил Мақдисга етиб боришга қодир бўлмасамчи?”, деди. У зот: “Унда ҳаракат қил ва динингни эҳтиёт қил”, бошқа лафзда: “ўзингдаги бор имконият билан урингин ва динингни сақла” дедилар.
-Ваҳб ибн Мунаббиҳдан ривоят қилинади: “Байтил Мақдис аҳли Аллоҳ таолонинг қўшниларидир. Аллоҳ таоло ўзининг қўшниларини азобламасликка ҳақлидир”, деди.
Мужириддин Ҳанбалий Алиймийнинг "Ал унсил жалийл би тарийхил Қудси вал халийл" асаридан.
@arabicuz
