Мутахассислар АҚШнинг 48363 та сув таъминоти тизимларида инсон саломатлигига 22 канцерогеннинг умумий таъсирини ўрганиб чиқдилар. Маълум бўлишича, сув таркибидаги маргимуш, дезинфекция қолдиқлари, шунингдек, радиоактив элементлар - уран ва радий соғлиққа энг катта риск ҳисобланади.

Тадқиқотнинг кўрсатишича, ерости сувларидан фойдаланган сув таъминоти тизимлари энг хавфли ҳисобланади. Гарчи зарарли моддалар миқдори меъёр доирасида бўлсада, узоқ муддатли истиқболда улар инсонга зиён етказиши мумкин.

Олимларнинг сўзларига кўра, сув учун фильтрлардан фойдаланиш рискни пасайтириши мумкин.