Байден ҲАМАС сиёсий бюроси раҳбари Исмоил Ҳаниянинг ўлдирилишига изоҳ берди.
АҚШ президенти Жо Байденнинг айтишича, ҲАМАС сиёсий бюроси раҳбари Исмоил Ҳаниянинг ўлдирилиши Ғазо секторида сулҳ битимига эришиш ҳаракатларига ҳисса қўшмади.
“Бу ёрдам бермади”, - деди у.
ҲАМАС сиёсий бюроси раҳбари чоршанбага ўтар кечаси Эроннинг янги президенти инаугурациясида иштирок этиш учун келган Теҳрондаги қароргоҳига уюштирилган ҳужум оқибатида ҳалок бўлди.
ҲАМАС қотилликда Исроил ва АҚШни айблади. ЦАХАЛ Ҳаниянинг йўқ қилиниши ҳақидаги хабарларга изоҳ беришдан бош тортди.
Кремль ҲАМАС сиёсий бюроси раҳбарининг ўлимига сабаб бўлган ҳужумни кескин қоралади. Россия ташқи ишлар вазири ўринбосари Михаил Богданов ушбу ҳужумни минтақада вазият янада кучайишига таҳдид соладиган мутлақо қабул қилиб бўлмайдиган сиёсий қотиллик деб атади.
