Илон Маск Қодировга Тесла Cybertruck пикапини бермаганини айтди. Аввалроқ Чеченистон раҳбари орқасига автомат ўрнатилган Cybertruck видеосини эълон қилган ва машинани Украинадаги “махсус операция” зонасига жўнатишга ваъда қилган эди.
Илон Маск Чеченистон раҳбари Рамзан Қодировга Тесла Cybertruck электр пикапини бергани ҳақидаги хабарларни рад этди. Миллиардер “Маск Американинг санксияланган душманларига ҳарбий хизматга яроқли машиналар етказиб бераётганидан” ғазаблангани учун ижтимоий тармоқ Х фойдаланувчисини “қолоқ” деб атади.
“Сиз шунчалик заифмисизки, мен рус генералига Cybertruck бердим деб ўйлайсизми? Бу ҳайратланарли”, — деб ёзди Тесла раҳбари.
17-август, шанба куни Қодиров Телеграм’да орқасида автомат ўрнатилган Cybertruck видеосини эълон қилди. “Биз ҳурматли Элон Маскдан Тесла кибер юк машинасини олдик. Мен янги технологияни синаб кўрганимдан хурсанд бўлдим ва шахсан амин бўлдимки, унинг "Киберҳайвон" деб номланиши бежиз эмас, - деди Чеченистон раҳбари.
