Аллоҳ учун биродарлик қўл ва кўз муносабатига ўхшайди. Кўз ёш тўкса, қўл унинг ёшини артиб юборади, қўл оғриқ ҳис қилса, кўз унинг учун ёш тўкади. Ибн Таймия (раҳимаҳуллоҳ).



Имом Қуртубий раҳимаҳуллоҳ айтдилар: "Аллоҳнинг каломи: “Албатта, мўминлар — биродарлардир“. (Ҳужурот, 10-оят), яъни дин ва дахлсизликда, насл-насабда эмас. Шу сабабли, диндаги биродарлик насабдаги биродарликдан ҳам мустаҳкамдир, дейилган, чунки насаб биродарлиги дин ўзгариши билан тугайди, лекин диний биродарлик қариндошлик алоқалари ўзгариши билан тугамайди". ("Тафсири Қуртубий", 16/322).



Агар Аллоҳ сизга шу синовни юборган бўлса, демак, сиз унга бардош бера оласиз, инша Аллоҳ...



Пайғамбаримиз Муҳаммад саллаллоҳу алайҳи васаллам айтдилар: "Албатта, Аллоҳнинг ёрдами (Унинг) қулига ҳаёт ва ризқ учун зарур бўлган тақсимотга мувофиқ келади, ва у сабрни Унинг қулига етган қийинчиликларга кўра нозил қилади". (Байҳақий ва бошқалар. Ҳадис саҳиҳ ёки яхши санадга эга).



Алҳамдулиллаҳ, албатта шундай... Баъзан кўрасизки, кимдир оғир бир синовга дучор бўлади, масалан, ўлим, оғир касаллик, яқинлар билан яхши муносабатларнинг йўқолиши, мол-мулкни йўқотиш ва ҳоказо.

Аммо билингки, Аллоҳ кимга шундай синовларни юборса, У унга шу синовларга мос сабрни ҳам беради. Аллоҳнинг изни билан, бу сабр унинг қийинчиликлар ва мусибатларни енгиб ўтишига ёрдам беради, ва энг муҳими, тўғри йўлдан адашмаслигига сабаб бўлади...

Аллоҳ ҳар биримизни қийинчилик ва синовлардан асрасин, бизга ва оила аъзоларимизга сабр, тинчлик, омонлик ва соғлиқ насиб қилсин. Омин!

Абу Муслим тайёрлади