Оғир вазнда собиқ мутлақ жаҳон чемпиони Майк Тайсон (Малик Абдул Азиз) ўзининг ислом динига садоқатини яна бир бор тасдиқлади ва инсон ҳаёти имонсиз маъносиз эканини таъкидлади. Бу ҳақда Daily Mail хабар беради. 



Унга кўра, у Исломнинг асосий шаҳодат калимасини (шаҳодатни) 1991 йил кузида бошланган суд жараёнидан анча аввал айтган. Ўша жараён охир-оқибат уни олти йиллик қамоқ жазосига ҳукм қилган.  



Афсонавий боксчи дини унга кучли маънавий таянч берганини тан олди. Тайсон ўзини амал қилувчи мусулмон деб атади ва умрининг охиригача шундай бўлиб қолишини таъкидлади.  



“Имонсиз сизда ҳеч нарса йўқ. Мен бутун оилам учун дуо қиламан, ҳатто кўчадан ўтишдан олдин ҳам Аллоҳдан мадад сўрайман”, — деди Тайсон.  



Спортчи ўз ҳаётини динсиз тасаввур қила олмаслигини қўшимча қилди.  



Шунингдек, у аввалги интервьюларидан бирида ҳаёт ва ўлим ҳақида фикр юритиб, ҳаётнинг қисқалиги ва ўлим муқаррарлигини англаб, кўпроқ яхшилик қилишга интилишини айтган эди. У: “Тез орада мен фақат суратларда қоламан”, — деган эди.



Абу Муслим