Ижтимоий тармоқларда "Дикий Арман" лақаби билан танилган Арман Жўмагелдиев "қамоқхонадаги душда қон томирини кесмоқчи бўлгани" ҳақида маълумот пайдо бўлди. Ушбу хабарга ИИМ Жиноий-ижро тизими қўмитаси вакиллари изоҳ берди. 

Хусусан, бу ҳақда KöpSöz Telegram-каналида хабар қилинди. Муаллифларнинг айтишича, воқеа 31 январ куни содир бўлган.  

KAZ.NUR.KZ мухбирлари изоҳ олиш мақсадида Қозоғистон Республикаси ИИМ Жиноий-ижро тизими қўмитасига мурожаат қилди. Қўмита вакиллари Жўмагелдиев ўзини енгил жароҳатлаганини тасдиқлади.  

"Ушбу маҳкум ўзини енгил жароҳатлаган. Дараҳол тиббий ёрдам кўрсатилган. Унинг соғлиқ ҳолати қониқарли.  

Маҳкум билан муассасанинг психологлари профилактик ишлар олиб бормоқда. Ҳодиса юзасидан хизмат текшируви тайинланган", — деб хабар берди ИИМ Жиноий-ижро тизими қўмитаси матбуот хизмати.  

Эслатиб ўтамиз, 27 январ куни Алмати шаҳрида "Дикий Арман" лақаби билан танилган Арман Жўмагелдиевга суд ҳукми чиқарилган эди. У 2022 йил январ ойидаги оммавий тартибсизликлардан сўнг қўлга олинган.  

Алмати шаҳри суди маълумотига кўра, Арман Жўмагелдиев 20 йил озодликдан маҳрум қилиш жазосига ҳукм қилинган.  

У Қозоғистон Республикаси Жиноят кодексининг қуйидаги моддалари бўйича айбдор деб топилган:  

- 262-модда 1-қисм,  

- 268-модда 1-қисм,  

- 272-модда 1-қисм,  

- 272-модда 2-қисм,  

- 28-модда 3-қисм,  

- 125-модда 3-қисм, 1-банд,  

- 126-модда 3-қисм, 1-банд. 

Кейинроқ шаҳар суди вакиллари "Дикий Арман" иши бўйича ҳукмни тўлиқ тушунтириб берди.  

Шаҳар суди маълумотига кўра, 2022 йил бошида Исқақов, Жўмагелдиев ва собиқ депутат Қўдайберген ҳукуматни зўрлик билан эгаллаш мақсадида оммавий тартибсизликларнинг асосий ташкилотчилари бўлган.