Миландан порлаган машҳур юлдуз — “Интернационале”, ёки кенг жамоатчиликка таниш бўлган номи билан “Интер”, нафақат Италияда, балки жаҳон футбол саҳнасида ўз ўрнига эга бўлган буюк клублардан биридир. 1908-йилда асос солинган “Интер” футбол клуби тарихий мероси, бетакрор услуби ва шонли ютуқлари билан футбол мухлисларини мафтун этиб келмоқда.



“Интер” — бу футболнинг санъатга айланган шакли. Уларнинг ўйин услуби техник жозиба, тактик аниқлик ва ғалабага бўлган қатъий иродани ўзида мужассам этган. Клуб ўз тарихи давомида жаҳон даражасидаги футбол юлдузларини етиштирган ва таниқли мураббийлар бошчилигида Европанинг нуфузли мусобақаларида ғолибликка эришган.



Жамоа 19 марта Италия А Серия чемпионлигини қўлга киритган бўлиб, Европа Чемпионлар Лигасида ҳам бир неча бор зафар қучган. 2010-йилдаги ҳашаматли требл (А Серия, Италия Кубоги ва Чемпионлар Лигаси) “Интер”ни тарихдаги энг буюк клублар қаторига қўшди.



"Нерадзурри" (қора-кўклар) деб номланган клубнинг мухлислари жаҳон бўйлаб тарқалган бўлиб, улар “Интер”га содиқлиги, садоқати ва иштиёқи билан ажралиб туради. Меҳнатсеварлик, жамоавийлик ва кучли клуб маданияти — бу “Интер”ни бошқа клублардан фарқ қилдирувчи асосий омиллардир.



Интер — бу футболга муҳаббат, жонкуярлик ва улуғворлик тимсоли. Келажакда ҳам ушбу буюк клуб янги зафарлар ва янги авлод футболчилари билан янада баланд чўққиларни эгаллаши шубҳасиз.

Абу Муслим