"Eвропа хизматларининг маълумотларига кўра, кибер жиноятлар даражаси ошди, жуда катта миқдордаги қалбаки ва сохта дорилар мавжуд", - деди фон дер Ляйен видеомурожаатида. Европа Иттифоқи маълумотларига кўра, энг кўп учрайдиган қоидабузарлик сохта жарроҳлик ниқобларини таклиф қилишдир.

EК раҳбарининг таъкидлашича, Европанинг полиция бошқармаси қалбаки дори-дармон савдосининг олдини олиш учун халқаро операцияни ўтказишда ёрдам берган. "Ушбу операция дунёда 4,4 миллион қалбаки дори-дармонларни мусодара қилишга имкон берди, 37 жиноий тўдалар зарарсизлантирилди, 121 киши ҳибсга олинди", - деди фон дер Ляйен.

Унинг сўзларига кўра, ноқонуний савдода иштирок этган 2,5 минг ресурслар ёпилган.

Eвропа хизматлари сайтларнинг ишончлилигини текширишни, шубҳали дастурларни ўрнатмасликни тавсия қилади. "Агар коронавирусга қарши вакцина пайдо бўлса, бу ҳақда сизнинг ҳукуматингиз ва тегишли давлат хизматлари эълон қилади", деди фон дер Ляйен.

Унинг сўзларига кўра, Европа Комиссияси Интернетда дори-дармон воситаларни қидириш европалик фойдаланувчиларни қалбакилаштиришга олиб келмаслигини таъминлаш учун ишлашда давом этади.