Нашрнинг таъкидлашича, АҚШ билан кескин муносабатлар ва коронавирус пандемияси сабабли "даҳанаки жанг" шароитида Пекин АҚШ ғазначилик қимматли қоғозларига Хитой сармоясини камайтириш имкониятини кўриб чиқмоқда.

"Бу, ўз навбатида, АҚШнинг давлат облигациялари бозорида муаммоларни келтириб чиқариши мумкин, чунки Вашингтон пандемия ва у билан боғлиқ иқтисодий зарарга қарши курашиш учун бир қатор дастурларни молиялаштириш учун янги қимматли қоғозларни чиқаришни сезиларли даражада оширмоқда", дейилади материалда.

Таъкидланишича, Пекин бу қадамни охирги чора деб билади, бундан олдин мамлакат расмийлари Вашингтонга бошқа йўллар билан босим ўтказишга уринишади.

Таҳлилчиларга кўра, бу хавфли ҳаракат АҚШнинг обрўсига путур этказади ва уларнинг дунё бўйлаб инвесторларга тўловларни тўлаш қобилиятини шубҳа остида қолдиради.