Август ойининг биринчи ўн кунлигида Ўзбекистон ва Тожикистонда бир вақтнинг ўзида Россия томони билан икки томонлама машқлар ўтказилади. Маневрлар давомида қўшинлар иттифоқчи давлатлардан бирининг ҳудудига бостириб кирган ноқонуний қуролли тузилмалар отрядларини қўшма гуруҳлар томонидан йўқ қилишлари керак бўлади. Машқлар кузда такрорланади.

Бу бўлинмалар аллақачон Афғонистон билан чегарадош полигонларда жамлангани кўрсатилган. У ерда қуруқликдаги қўшинлар, авиация, ҳаво мудофааси, шунингдек разведка ва нишонларни кўрсатиш отрядлари жойлаштирилди.

22 июль куни Тожикистон Миллий хавфсизлик Давлат қўмитасидаги (МХДҚ) манба Афғонистон-Тожикистон чегарасининг 80 фоизини «Толибон» назорат қилаётгани ҳақида хабар берди. Тожикистонга давлат чегараларини ҳимоя қилишда ёрдам Россия томонидан ЖХШТ шартномаси доирасида тақдим этилади, хусусан, Афғонистон билан чегарада заставалар қурилишида ёрдам берилади.

Афғонистонда ҳукумат кучлари билан қишлоқ жойларда муҳим ҳудудларни эгаллаб, йирик шаҳарларга ҳужумлар бошлаган "Толибон" ҳаракати жангарилари ўртасида жанглар давом этяпти. АҚШ ва НАТО давлатлари 1 май куни мамлакатдан қўшинларнинг расмий равишда олиб чиқилишини бошлагач, Афғонистондаги вазият ёмонлашди.