«ИИВ билан биргаликда ГКНБ мамлакатда ҳокимиятни зўрлик йўли билан қўлга киритишни режалаштирган жиноий гуруҳ фаолиятининг олди олинди», — деилади хабарда.

Хавфсизлик расмийларига кўра, бу гуруҳ Жогорку Кенеш (парламент) депутатлари ва собиқ юқори лавозимли амалдорларни ўз ичига олган. Улар парламент сайловларидан сўнг мамлакатдаги ижтимоий-сиёсий вазиятни провокация ва беқарорлаштиришни режалаштирдилар.

"Бўлажак парламент сайловлари натижалари эълон қилинганидан сўнг, айрим сиёсий кучларни, шу жумладан сайловларда мағлуб бўлганларнинг қўллаб-қувватлашни ҳисобга олган ҳолда, бу гуруҳ Бишкек ҳудудида ҳокимиятни зўравонлик билан кулга олишни режалаштирган", - деди матбуот хизмати.

Бунинг учун гуруҳ мингга яқин агрессив фикрловчи ёшларни жалб қилди. Улар билан давлат тузилмаларига қарши курашни кучайтиришга қаратилган тизимли учрашувлар ўтказилди, провокация ва оммавий тартибсизликларни ташкил этиш режалари муҳокама қилинди.

Ушбу ҳолат юзасидан Давлат хавфсизлик қўмитаси Қирғизистон Республикаси Жиноят кодексининг "ҳокимиятни зўравонлик билан қўлга олишга тайёргарлик" моддаси бўйича судгача иш юритишни бошлади ва Бош прокуратура идоралараро тергов гуруҳини тузди. Гуруҳнинг фаол аъзолари яшаш жойларида ва улар томонидан ижарага олинган идорада тинтувлар ўтказилди. "Натижада жиноятга тайёргарлик кўрилганлигини тасдиқловчи ҳужжатли материаллардан ташқари, ўқотар қурол, ўқ-дори ва гиёҳвандлик воситалари топилиб, мусодара қилинди", - дея қайд этди матбуот хизмати. Гуруҳнинг 15 нафар фаол аъзоси қўлга олинди. Мазкур жиноят иши бўйича тергов ҳаракатлари давом эттирилмоқда.

Қирғизистонда парламент сайловлари 28 ноябрга белгиланган. 2020 октябр ойида бўлиб ўтган аввалги овоз бериш "октябр инқилоби" билан якунланди, ундан кейин қамоқдан озод қилинган республиканинг ҳозирги раҳбари Садир Жапаров ҳокимиятга келди.