"Бу Украина қуролли кучларининг уруш тарихидаги энг муваффақиятли операцияларидан биридир. Бу Путиннинг яширолмайдиган мағлубиятидир. Украина шаҳарларига бомбардимон ва ракета ҳужумларига жавобан Украина Қуролли кучларининг 19-ракета бригадаси Россиянинг Миллерово авиабазасида Точка-У баллистик ракетаси билан зарба берди ва Россиянинг камида иккита янги Су-30 қирувчи самолётларини йўқ қилди", деб ёзди у Facebook-да

Бутусовнинг сўзларига кўра, ушбу зарба учун буйруқ берган Украина қўмондонлари ўзлари учун барча муроса йўлларини кесиб ташладилар.

"Кичик Украина ўзини ҳимоя қилиш учун ҳамма нарсани қилмоқда. Бутун дунё бизнинг заифлигимиз ҳақида гапирса ҳам, биз эркинлик учун курашишимиз керак бўлган ҳамма нарсани ва фақат қаршилик кўрсатиш учун ишлатилиши мумкин бўлган ҳамма нарсани ишлатамиз. 30 ёшдан ошган эски ракеталар билан бу қадар муваффақиятли уриш ҳақиқий ютуқ. Украина қуролли кучларига шон-шарафлар", - дея қўшимча қилди журналист.

25 февраль кундузи Украина Қуролли кучлари ҳаво кучлари қўмондонлиги Ростов вилоятидаги Миллерово аэродромида портлашлар суратини эълон қилди.

«Бу ишни ким қилди», — дейилади постда.