Шу билан бирга, унинг сўзларига кўра, АЭС периметри рус босқинчилари томонидан назорат қилиняпти. Шунингдек, у тунги жангларда Украина Миллий гвардиясининг уч аскари ҳалок бўлганини таъкидлади. “Энергодардаги вазият динамик равишда ўзгармоқда. Маълумотлар мунтазам янгиланиб турибди», - деди Денисенко.

Аввалроқ Энергоатом Запорожье атом электр станциясига қилинган ҳужумни қайтариш чоғида уч украиналик ҳарбий ҳалок бўлгани, икки нафари яралангани ҳақида хабар берган эди. 4 мартга ўтар кечаси АЭСда ёнғин бошланган жанглардан сўнг босқинчилар маъмурий бино ва станцияга кириш эшигини эгаллаб олишди.

Россия қўшинлари томонидан қўлга олинганидан сўнг, №1 энергия блокининг реактор бўлими биноси шикастланган ва ишлатилган ядро ёқилғисини сақлаш учун қуруқ омбор жойлашган ҳудудга иккита снаряд тушган. Запороже АЭС ўрнатилган қуввати бўйича Европадаги энг йирик атом электр станциясидир.