Жорий йилнинг биринчи чорагида Россияда 5,6 минг киши жиноят қурбони бўлди, бу 2021 йилнинг шу даврига нисбатан 11 фоизга кам. Бу ҳақда ТАСС агентлиги танишган Россия Ички ишлар вазирлигининг жиноятчилик ҳолати бўйича статистик маълумотларидан келиб чиқади.

"Жиноий хуружлар натижасида 5,6 минг киши ҳалок бўлди, бу 2021 йилга нисбатан 11,1 фоизга кам, 8,1 минг кишининг соғлиғига жиддий зарар етказилди (бир йил аввалгига нисбатан 6,7 фоизга кам),", — дейилади материалларда.

Ички ишлар вазирлигининг қўшимча қилишича, ҳар бешта жиноятнинг тўрттаси (81,9 фоизи) шаҳарлар ва шаҳар типидаги аҳоли пунктларида - жами 395 мингта, олтитадан биттаси (17,7 фоизи) қишлоқ жойларда - 85,2 минг жиноят қайд этилган.

Ички ишлар вазирлиги маълумотларига кўра, январ-март ойларида Россияда деярли 483 минг жиноят қайд этилган, бу ўтган йилнинг шу даврига нисбатан 3,8 фоизга камдир. Россия Федерациясининг 20 та ҳудудида қайд этилган жиноятларнинг ўсиши, 65 тага камайиши қайд этилган.