6/42 Бало инсонни тўғри йўлга солиш учун ҳам юборилади.

6/44 Бир муддат ўз ҳолига ташлаб қўйиб, бирдан азоблаш ҳам бир услуб.

6/65 Азоб тепадан ёки оёқ остидан келади.

7/4 Азоб уйқу пайтида ҳам келади.

7/98 Азоб ўйин-кулги авжига чиққанида ҳам келади.

8/25 Азоб фитнага қарши курашмай турганларга ҳам келади.

8/52 Банда балони ўзи тилаб олади.

10/22 Синовлар инсонга Раббисини танишга кўмаклашади.

10/51 Азоб келгач, қайтарилмайди.

11/81 Бало келганларга термулмаслик ва ачинмаслик керак.

12/19 Киши ўзини балодан қутқариш учун озгина имкониятдан ҳам фойдаланиши керак.

18/80 Фарзанднинг ҳаддидан ошиши ва куфр йўлига кириши ота-онани азоблайди.

20/97 Яккаланиб яшаш ҳам бир азобдир.

22/2 Азоб кишини маст-аластга ўхшатиб кўяди.

22/2 Азобни кўриш инсонга атрофни унуттириб қўяди.

22/10 Азоб сабаби - гуноҳлар.

24/63 Пайғамбарнингчин вориси бўлган олимлар сўзига хилоф йўл тутувчиларга фитна, кулфат ва аламли азоб етар.

26/202 Азоб тўсатдан келади.

28/8 Аллоҳ истаса, банда балонинг олдига ўз оёғи ва ўз ихтиёри билан боради.

29/65 Қийин аҳволда қолсагина, Аллоҳга ихлос билан ибодат қилувчи бандалар ҳам бор.

30/41 Офат-балолар одамларнинг қилмишлари сабабидандир.

57/22 Бандага Аллоҳдан беизн ҳеч бир мусибат етмас, етган мусибат эса аввалдан Лавҳул Маҳфузда ёзилган бўлади.

Акмал Мираваз ўғлининг

"Мен ҳам тафаккур қиламан" китобидан