Аз-Завоҳирий бир ҳафта муқаддам Кобулдаги бошпанасининг балконида туриб, учувчисиз учиш аппаратидан отилган ракета билан ўлдирилган, бу Усама бин Лодин ўн йил аввал отиб ўлдирилганидан бери ал-Қоидага берилган энг катта зарбадир.
Толибон ахборот вазири Забиулла Мужоҳид, маҳаллий радио Озодийнинг хабар беришича, қотиллик содир бўлган жойда бошланган тергов натижасида зарба жойида жасад бўлмаган деган хулосага келди.
"Ҳамма нарса вайрон бўлган, лекин биз у ерда жасадни топмадик", деди у.
Тергов бошланишидан аввал Толибон аз-Завоҳирийнинг Афғонистонда борлигини рад этганди.
Толибоннинг БМТдаги вакили Соҳаил Шоҳин Доҳадаги офисидан Associated Press га юборган матнли хабарида ҳукумат ва ҳаракат раҳбарияти аз-Завоҳирийнинг Кобулда бўлганидан "ҳеч қачон хабардор эмаслигини" айтди.
Кобулда ал-Завоҳирийнинг ўлими унинг Қўшма Штатларни 2020 йилги келишувнинг бир қисми сифатида улар бошқа жангари гуруҳларга бошпана бермасликларига ишонтириб айтган Толибондан хавфсиз бошпана олганми ёки йўқлиги ҳақидаги саволларни туғдирди. Бироқ, энди яна бир савол туғилади - аз-Завоҳирий умуман ўлдирилганми ўзи?
