Украина Қуролли Кучлари фронтда Bayraktar TB2 зарба берувчи дронларини фаол ишлата бошлади, бу эса, еҳтимол, Россия ҳаво ҳужумидан мудофаа тизимининг заифлашгани билан боғлиқ. Уч кун давомида умумий қиймати тахминан 26,5 млн долларга тенг техника йўқ қилинди. Бу рақамни ўзининг Facebook даги расмий аккаунтида Украина Қуролли кучлари бош қўмондони, генерал Валерий Залужний маълум қилди.

Украина "Байроқдорлари" қурбонлари орасида ҳар бири қарийб 3 млн доллар турадиган саккизта Т-72 танки, 2С3 "Акация" ўзиюрар артиллерия мосламаси (тахминан 1,6 млн доллар), 600 минг долларлик БМП ва 300 минг долларлик гаубицалар бор.

Бундан ташқари, Украина Қуролли кучлари яна 2 млн долларлик БМП ва бешта Т-72 танкига зарар етказган.

"Аскарларимизнинг қобилиятли қўлидаги самарали турк байрактарлари кучли қуролдир", деб ёзади генерал. Унинг аниқлик киритишича, Украина учун литваликлар хайрия жамғармаси доирасида йиғилган операцияда учувчисиз учиш аппаратлари ҳам иштирок этган.

Эслатиб ўтамиз, ҳарбий кузатувчи Иван Яковинанинг сўзларига кўра, Bayraktar нинг фронтда фаол қўлланилишининг тикланиши Украина Қуролли кучларининг айрим ҳудудларда зич Россия ҳаво мудофаа тизимини бостиришга муваффақ бўлгани билан боғлиқ.