Россия диктатори ВладимирПутин илк бор Украина армиясининг мамлакат шарқи ва жанубида муваффақиятли қарши хужуми хақида фикр билдирди.
Шанхай ҳамкорлик ташкилоти саммитидаги брифингда Путин Украина Қуролли кучларининг Харьков ва Херсон вилоятларида эришган муваффақиятларини изоҳлар экан, агрессор давлат Украинанинг фронтдаги фаоллигини "кўришини" айтди.
"Хўш, Киев расмийлари фаол қарши ҳужум операциясини бошлаганини ва ўтказаётганини эълон қилди. Қўлига байроқ. Кўрамиз, нима билан тугар экан", деди диктатор.
Путин, шунингдек, рус қўшинлари Донецк вилоятида Украина ҳудудларини босиб олиш бўйича операцияни давом эттираётганини, унинг сўзларига кўра, бу "секин суръатлар билан" кетаётганини ва гўё улар ниманидир қўлга олишаётганини айтди.
"Донбасдаги ҳужум операциямиз тўхтамайди, секин суръатлар билан кетмоқда", деди у.
