Кремль диктаторь Владимир Путин Россия Федерациясида қисман сафарбарлик эълон қилди, хабар беради nv.ua (Россия ОАВга таяниб).
"Ватанимиз ва яхлитлигимизни ҳимоя қилиш учун қисман сафарбарликни қўллаб-қувватлаш зарур, деб ҳисоблайман", деди Ретин ўз мурожаатида.
"Россиянинг "Известия" нашри Путиннинг Россия Федерациясида қисман сафарбарлик тўғрисидаги фармонни имзолагани ҳақида хабар берди. Сафарбарлик тадбирлари 21 сентябрдан бошланади.
Фармонда давлат мудофаа буюртмасини бажариш бўйича қўшимча чора-тадбирлар белгиланган. Чақирилганлар ҳарбий тайёргарликдан ўтишлари шарт.
Путин фармонига кўра, ҳарбий хизматга фақат захирада бўлган ва биринчи навбатда қуролли кучлар сафида хизмат қилган, маълум ҳарбий мутахассислик ва тегишли тажрибага эга бўлган фуқароларгина тайинланади.
Путин русларга мурожаатида таъкидлаганидек, қисман сафарбарлик чораси "Россия ва унинг суверенитетини ҳимоя қилиш" учун қабул қилинган.
"Мудофаа корхоналарини моддий, ресурс ва молиявий қўллаб-қувватлаш бўйича барча масалалар ҳукумат томонидан зудлик билан ҳал қилиниши керак", — деди Путин.
Россия Федерацияси Давлат Думаси арафасида Россия армиясида ҳарбий хизматни ўташ учун шартнома имзолаган чет элликлар томонидан фуқароликни олишни соддалаштирадиган тузатишлар қабул қилинди.
20 сентябрь куни ОРДЛО даги Кремл қўғирчоқлари ўзларининг сохта референдумлари саналарини эълон қилишди. "Л/ДХР" жангарилари сохта овоз бериш 23-27 сентябрь кунлари бўлиб ўтишини маълум қилди. Кремль томонидан назорат қилинадиган Херсон вилоятининг қўғирчоқ "ҳокимиятлари" ўша кунларда Россияга "қўшилиш" бўйича "референдум" ўтказиш режаларини эълон қилишди. 23-27 сентабрь кунлари Запорожье вилоятида ҳам босқинчилар томонидан псевдореферендум режаланган эди.
Баёнотлар Украина ҳимоячиларининг тезкор қарши ҳужумидан кўп ўтмай қилинган: 14 сентябрь куни Мудофаа вазирлиги 6 сентябрдан бери (бир ҳафта ичида) Украина Қуролли Кучлари фақат Харков вилоятининг ўзида 388 аҳоли пункти ва 8,5 минг квадрат метрга яқин ҳудудни озод қилганини маълум қилди.
Бундан ташқари, Давлат Думаси Жиноят кодексига "сафарбарлик", "ҳарбий ҳолат", "уруш вақти", "қуролли тўқнашув" тушунчаларини киритиш бўйича тузатишни маъқуллади. Шунингдек, Россия Федерацияси "парламенти" нинг қуйи палатаси дезертирлик ва ихтиёрий таслим бўлиш учун жазо чоралари бўйича тузатишларни маъқуллади.
Россия 300 минг кишини сафарбар қилишни режалаштирмоқда. Бу ҳақида Шойгу маълум қилди.
Сафарбарлик даврида Россия армияга 300 минг заҳирадаги аскарни жалб қилишни режалаштирмоқда.
Бу ҳақида Россия Федерацияси мудофаа вазири Сергей Шойгу баёнотига асосланиб, "РБК-Украина" хабар бермоқда.
"Қисман сафарбарлик вақтида жами 300 минг нафар заҳирадаги аскар чақирилади", деди у ва муддатли ҳарбий хизмтага чақирилувчилар ва талабалар гўёки сафарбарликка тортилмаслигини қўшимча қилди.
"Россия катта сафарбарлик ресурсига эга, деярли 25 миллион киши, уларнинг 1 фоиздан сал кўпроқ қисми қисман сафарбарликка тортилади", деди Россия Мудофаа вазирлиги раҳбари.
