«Ар-Раҳим»  2007 йилда Бошқирдистон мусулмонлари диний идораси буйруғи билан Европадаги энг катта масжид сифатида қуришга киришилди. «Алтын Курай» компанияси пудратчи бўлиб, кейинчалик лойиҳани жанжал билан тарк этди. 2009 йилда пулларни талон-тарож қилишда гумонлар туфайли қурилиш тўхтатилган. Кейин, 2012 йилдан бошлаб, иш «Урал» хайрия жамғармаси ҳисобидан амалга оширилди, аммо молиялаштириш тўхтатилди, чунки давлат ёрдамисиз қурилиш учун пул тўлашнинг маъноси йўқ эди. Янги пудратчи топилди, бироқ маблағ етарли эмасди.

2019 йил 10 июль куни Республика раҳбари вазифасини бажарувчи Радий Хабиров «Эхо Москвы в Уфе» радиосидаги эфирда «ар-Раҳим» жоме масжиди қуриб битказилишига ишонтирди. "Албатта, биз қурамиз, бу жуда муҳим ва, албатта, бу қурилишни якунлашимиз керак", - дея Хабировнинг сўзларини эслатади «Пруфы» нашри. Шу билан бирга, "Коммерсант-Уфа" Хабировга таяниб, қурилиш ишлари қайта бошлангани ва объектда техникалар пайдо бўлганини маълум қилди.

Бироқ, масжид ҳали қурилиши тугалланмаган, бинонинг элементлари мармарга тақлид қилувчи матолар ва ташқи безаклар билан қопланган. Бундан ташқари, Қозонда жоме масжиди қуриш ҳам режалаштирилмоқда ва у «ар-Раҳим»дан каттароқ бўлади.