Ўтган жума, 7 октябрь куни Россия диктатори Путин ўзининг 70 ёшини нишонлади. Бу воқеа нафақат Ғарб, балки Осиёдаги нуфузли дунё етакчилари томонидан ҳам эътибордан четда қолди. Айниқса, Россия Федерацияси раҳбари учун Хитой раҳбари Си Цзинпиннинг табриклари йўқлиги аламли бўлди. Бу ҳақида россиялик сиёсатшунос Андрей Пионтковский "Фабрика новин" YouTube канали эфирида гапирди.

"Путин эҳтимол Қрим кўприги вайрон қилинганидан кам бўлмаган даражада зарба олди. Уни туғилган куни билан табриклаганлар рўйхати эълон қилинди. Никарагуа, Эритрея, Зимбабве президентлари бор... Хитой раҳбари Си йўқ. Бу кўргазмали шапалоқ, бу унинг Самарқандда ШҲТ саммитида еган тарсакининг давоми", - деди Пионтковский.

У диктаторни тўрт қадам ташлашга мажбур қилган Самарқанддаги хўрлик унинг мавқеини янада ёмонлаштирганини эслатди. Гап Россия Федерациясида сафарбарликни жорий этиш, Украинанинг янги ҳудудларини қўшиб олиш, «Шимолий оқим»ларни йўқ қилиш, шунингдек, ядровий шантажнинг кучайиши ҳақида бормоқда.

Умуман олганда, сиёсатшуноснинг таъкидлашича, Путиннинг қўл бериб кўришмаслиги ўз атрофидагилар учун аллақачон фойдасиз ва, эҳтимол, тез орада диктатордан қутулиш тўғрисида қарор қабул қилинади.

"Путин саросимага тушган одамдек таассурот қолдиради. Менимча, энди қарор қабул қилишда Ковальчуклар, биринчи навбатда, Юрий Ковальчук асосий роль ўйнайди. Мағлубиятдан кейин ҳам ўз ҳокимиятини сақлаб қолмоқчи бўлган бу гуруҳ Путинсиз Ғарб ва Украина билан музокара қилиш уларга осонроқ бўлишини тушунади", - деди Пионтковский.

У Путиннинг касал деб топилиши ва ҳокимият коллегиал орган – Давлат кенгашига ўтиши мумкин бўлган сценарийни эҳтимоли энг юқори деб ҳисоблайди. «Улар Ғарбга: «Биз Путиндан қутулдик... Хизматимизни қадрланг, ҳокимиятда қолишимизга ёрдам беринг», деб айтадилар» - дейди сиёсатшунос.

Унинг қўшимча қилишича, бу хизмат эвазига Путиннинг атрофидагилар, эҳтимол, Россия Федерациясининг урушда таслим бўлиши шартларини юмшатишни сўрашади.