Британиянинг The Mirror нашри инсайдер маълумотларига таяниб хабар беришича, Владимир Путиннинг қариндошлари йўтал тутилиши, доимий кўнгил айниши ва иштаҳа йўқлигидан хавотирда. Ўтган ҳафта сафарбар қилинган қўшинлар билан машғулотларда кўрилган Кремль раҳбари ҳафта охири тиббий кўрикдан ўтгани хабар қилинганди.
Унинг атрофидагилар Путиннинг "нозиклиги ва доимий йўтали" сезиларли бўлиб бораётганидан хавотирда ва уни Россиядаги элита "раҳбарнинг соғлиғи тез ёмонлашаётгани белгиси" сифатида кўради", деб ёзади газета Путинга саратон ташхиси қўйилганини айтган манбаларга таяниб.
Журналистларнинг таъкидлашича, кирувчи маълумотларга кўра, сўнгги бир неча ой ичида Путин 8 кг вазн йўқотган.
Путинни жума ва якшанба кунлари орасида фақат бир марта собиқ Гулаг минтақаси Магаданнинг губернатори Сергей Носов билан онлайн учрашувда кўрган, аммо бундай учрашувлар кўпинча "консерваланган" ёки намойиш этилишидан олдин ёзиб олинган.
Хабар қилинишича, Путин бугун бош вазир ўринбосари Чернишенко билан ишчи учрашув ўтказган. У Украинанинг босиб олинган ҳудудларидаги вазият ҳақида гапирганда пайдо бўлган қисқа видеода бироз йўталди.
Нашр манбаларига кўра, "Путиннинг ўзи ҳам, унинг яқинлари ҳам, шифокорлар ҳам президентнинг йўтал тутиши, шунингдек, дори воситалари ва онкология [учун] ўзига хос парҳез туфайли доимий кўнгил айниши ва иштаҳанинг йўқлигидан хавотирда. "
Бундан ташқари, Путин уруш туфайли ёмон кайфиятда бўлганлиги, хусусан, у мудофаа вазири Сергей Шойгуни онлайн учрашувда жанжал қилгани ва кейин уни ўчириб қўйгани даъво қилинган.
Путин бақириқ ва ҳақоратли сўзларни қўллагани айтилади. "Шойгу видеоконференцияда қатнашишдан узилганидан сўнг, Путин ҳарбий блок раҳбариятининг бошқа вакиллари билан гаплаша бошлади, бироқ кучли йўтал туфайли суҳбатни давом эттира олмади, шунинг учун учрашув тўхтатилишига тўғри келди ва президент тиббий ёрдамга муҳтож бўлди", - дейди Кремлдаги манбалари бўлган телеканал.
Нашрнинг таъкидлашича, манбанинг Путиннинг аҳволи ҳақидаги маълумотларини текшириш қийин, бироқ Кремл раҳбарининг соғлиғи билан боғлиқ муаммолар ҳақидаги миш-мишлар анчадан бери тарқалиб келмоқда.
