Башорат қилинганидек, Путин турклар орқали Украинадан қониқарли кафолатлар олганини эълон қилиб, дон келишувига қайтди. Қандай кафолатлар - ҳеч ким билмайди. (Шу жумладан, менимча, ўзи ҳам). Аммо бу максимал даражада кулгили кўринади: Украинага қарши уруш бошлаган одам ундан ўз флотига ҳужум қилмаслик кафолатини талаб қилади, ўзи эса ракеталар билан уни ўққа тутмоқда.

Албатта, гап Украинанинг дон ташувчи кемалар, дон битими учун ажратилган транспорт  йўлаклари ва порт инфратузилмасидан ҳарбий мақсадларда фойдаланмаслигига кафолат бераётгани ҳақида кетаётганини тушунаман.

Лекин буларнинг ҳаммаси баҳона. Мен украинлар туркларга шундай руҳда қандайдир қоғоз ёзганини истисно қилмайман. Катта эҳтимол билан, бундай кафолат Эрдўғанга битим атиги тўрт ой олдин имзоланганида ҳам берилган. Эрдўған эса буни Путинга шунчаки кўрсатди, Путин эса бу қоғоз билан қаноатланишга шошилди, чунки унинг бошқа чораси йўқ эди: акс ҳолда Украинадан ғалла экспорти Россия иштирокисиз, демак, Украинадан ҳеч қандай кафолатсиз давом этарди...