Унинг сўзларига кўра, Украинага жўнатилишидан олдин батальон қўмондони сафарбар қилинганларга уларни Сватово вилоятига олиб келишларини ва у ерда фронт чизиғидан 15 км узоқликда "ҳудудий мудофаа" деб аталадиган қисмда хизмат қилишларини ваъда қилган. Ваҳоланки, ҳақиқатда 1 ноябрдан 2 ноябрга ўтар кечаси ҳарбийлар тўғридан-тўғри фронт чизиғига олиб чиқилиб, мудофаа чизиғини ушлаб туриш буюрилди.

Шу билан бирга, суҳбатдош батальонда ҳеч қандай жиҳоз йўқлигини, бор-йўғи учта белкурак борлигини таъкидлайди.

Сафарбар қилинганлар қўлдан келганича окоплар қазишди, эрталабга яқин эса кучли ўққа тутиш бошланди. Украина ҳарбийлари душманга қарши стволли ва ракета артиллерияси, шунингдек, миномётлардан фойдаланди. Отишмалар орасидаги вақт оралиғида руслар яна қазишга ҳаракат қилишди, аммо улар дарҳол коптерлар томонидан ҳисоблаб чиқилди. Шу билан бирга, батальон қўмондонлиги ўққа тутилгандан сўнг дарҳол олдинги чизиқни тарк этди. Натижада батальондаги 570 кишидан атиги 41 нафари омон қолишга муваффақ бўлди, деди Агафонов. Омон қолганлардан 12 нафари жароҳатланган.

Ўлганларнинг кўплиги ҳақида сафарбар қилинган бошқа бир шахснинг рафиқаси ҳам гапирди. Унинг сўзларига кўра, батальон аскарларининг ярмидан кўпи ҳалок бўлган.

Айни пайтда Агафоновнинг қўшимча қилишича, фронтга сафарбар қилинганлар, учинчи чизиқда эса шартнома асосидаги аскарлар ва кўнгиллилар жойлашган. Россия шартномачилари жанг қилишни хоҳламайдилар, шунинг учун мудофаадаги бўшлиқлар сафарбар қилинганлар ҳисобидан ёпилади, деди у.

Шу билан бирга, бошқа сафарбар қилинган омон қолган аскарнинг рафиқаси айтишича, унинг эри ва бошқа бир қанча россиялик тирик қолганлари қандайдир тарзда Сватовога етиб боришган, улар ҳозир яширинган. Қўмондонлик эса уларни тарк этган.

Ўз навбатида, "Агентлик"нинг ёзишича, Сватово яқинида жанг қилишдан бош тортган сафарбар қилинганларнинг бир қисми фронтга қайтишга мажбур бўлган. Гап 27 аскардан 9 нафари ҳақида кетмоқда.

"Эркаклар ҳарбий суд билан қўрқитилган, уларни ўрмонга олиб боришган ва ўлдиришларига шама қилишган, уларга овқат ва сув берилмаган", — дейилади хабарда.

Қолган 18 нафар сафарбар қилинган, тегишли тайёргарликсиз жанг қилишдан бош тортганлиги ҳақида рапорт ёзган аскар эндиликда "ЛХР" назоратидаги Зайцево қишлоғи ҳудудидаги тергов изоляторида сақланиши мумкин. Уларнинг яқинлари қурол ва ўқ ўтказмайдиган жилетлар эркаклардан олиб қўйилганини, улар билан ҳеч қандай алоқаси йўқлигини айтишмоқда.