Бу ҳақида АҚШ миллий хавфсизлик бўйича маслаҳатчиси Жейк Салливан баёнотига асосланиб, "РБК-Украина" хабар бермоқда.
Hawk ҳаво ҳужумига қарши тизимлари учун ракеталар, шунингдек, тўртта Avenger зенит-ракета комплекси Украина Қуролли Кучлари эҳтиёжлари учун ўтказилади. Улар Stinger ракеталари билан қуролланган.
"Бугун Қўшма Штатлар Украинага хавфсизлик ёрдамининг яна бир пакетини, шу жумладан ҳаво ҳужумига қарши тизимига муҳим ҳисса қўшишини эълон қилади", деди Салливан.
Унинг сўзларига кўра, ушбу ускуна АҚШ иттифоқчилари ва шериклари томонидан эълон қилинган ҳаво ҳужумига қарши мудофаага бошқа ҳиссаларини тўлдиради.
"Кенгайтирилган ҳаво ҳужумига қарши мудофаа Украина учун жуда муҳим бўлади, чунки Россия муҳим фуқаролик инфратузилмасига ҳужум қилиш учун Эронда ишлаб чиқарилган қанотли ракеталар ва дронлардан фойдаланишда давом этмоқда",- дея қўшимча қилди АҚШ президентининг маслаҳатчиси.
Hawk ҳаво ҳужумига қарши мудофаа тизими
Зенит-ракета комплекси Patriot ракеталарга қарши мудофаа тизимининг ўтмишдоши ҳисобланади. Дастлаб, комплекс самолётларни йўқ қилиш учун ишлаб чиқилган, кейинчалик у парвоз пайтида ракеталарни ушлаб туриш учун ўзгартирилган. Комплекснинг ўзи 15 млн долларга баҳоланмоқда ва унга бир донаси 250 минг долларни ташкил этадиган ракеталар илова қилинади.
Зенит-ракета комплекси Avenger
Бу HMMWV автомобили шассисига ўрнатилган, яқин масофага урадиган ўзиюрар зенит-ракета комплекси. Унинг номи «қасоскор» деб таржима қилинади. 0,5 дан 3,8 км гача баландлик ва 0,5 дан 5,5 км нача баландликдаги ҳаво нишонларини уриб тушириш учун мўлжалланган.
Комплекс таркибига 4 тадан FIM-92 Stinger ракетаси бўлган иккита контейнер, 1,7 мм калибрли зенит пулемети ва РЛТ киради. Аниқлаш тизими ҳар қандай об-ҳавога мос келади ва ўрнатилган термал тасвир туфайли ҳар қандай кўриш шароитида нишонни аниқлашни таъминлайди.
Эслатиб ўтамиз, 4 ноябрь, жума куни АҚШ Т-72 танклари ва Hawk ҳаво ҳужумидан мудофаа тизимларини Украинага топширишини эълон қилди.
Октябрь ойида Украина Эроннинг камикадзе дронларига қарши курашиш учун Американинг Avenger зенит-ракета тизимларини етказиб бериш тўғрисида сўров юборгани маълум бўлди.
