Ўзбекистон Соғлиқни сақлаш вазирлиги Ҳиндистоннинг Marion Biotech дори ишлаб чиқарувчи компанияси томонидан ишлаб чиқарилган йўтал сиропини истеъмол қилиб, 18 бола вафот этганини хабар қилди.
Вазирлик маълумотларига кўра, дастлабки синовларга кўра, тиббиёт партиясида этиленгликол заҳарли моддаси бўлган.
Расмийларга кўра, болаларга «Док-1 макс» сиропи шифокор рецептисиз ва тавсия этилганидан юқори дозада берилган.
Коронавирус туфайли дори бозори қалбаки дорилар билан тўлиб тошган. Айниқса ривожланаётган мамлакатларда.
Ўзбекистон вазирлиги томонидан 27 декабр куни эълон қилинган баёнотда "Док-1 мах" таблеткалари ва сиропи мамлакатда 2012 йилдан бери сотилаётгани айтилади.
"Марҳум болалар стационар даволанишга қабул қилинишидан олдин ушбу препаратни уйда 2-7 кун, кунига 3-4 марта 2,5-5 мл дан қабул қилгани аниқланди, бу болалар учун препаратнинг стандарт дозасидан ошиб кетди", - дейилади вазирлик баёнотида.
Баёнотда гап қайси вақт ҳақида кетаётгани аниқлагмаган. 23 декабрь куни Би-би-си мониторинг хизмати Gazeta.uz янгиликлар сайтига ҳавола билан хабар беришича, Ўзбекистон ҳукумати Ҳиндистонда ишлаб чиқарилган йўтал сиропини қабул қилганидан кейин сўнгги икки ой ичида Самарқанд вилоятида 15 боланинг ўлими ҳақидаги хабарларни текширмоқда.
26 декабрь янгиликлар сайти Podrobno.uz 21 та бола – шундан 15 таси 3 ёшгача – сентябрдан декабргача бўлган даврда Ҳиндистонда ишлаб чиқарилган йўтал сиропи "Док-1 макс" оқибатида ўткир буйрак етишмовчилигидан даволанган. Беморларнинг учтаси тузалиб кетган.
Жаҳон дорихонаси
Ҳиндистон Соғлиқни сақлаш вазирлиги маълум қилишича, 27 декабрдан буён унинг расмийлари "бу борада Ўзбекистон дори-дармонларни назорат қилиш миллий органи билан доимий алоқада бўлиб келмоқдалар".
Ҳиндистон расмийлари Уттар-Прадешдаги Ноида шаҳрида жойлашган Marion Biotech корхонасини ҳам текширишди.
Ҳиндистон Соғлиқни сақлаш вазирлиги баёнотида айтилишича," йўтал сиропи намуналари ишлаб чиқариш корхоналаридан олинган ва Чандигархдаги минтақавий дори-дармонларни текшириш лабораториясига таҳлил қилиш учун юборилган".
Marion Biotech ҳали Би-би-сининг изоҳ бериш талабига жавоб бермади.
Пандемия устидан ғалаба ёки илм-фаннинг мағлубияти? Вакциналар учун патентларни бекор қилиш қандай бўлади
ANI ахборот агентлиги, Marion Biotech раҳбари таяниб, компания вақтинча сиропи ишлаб чиқаришни тўхтатди, деб хабар берди. Унинг сўзларига кўра, ҳукумат тергов олиб бормоқда ва компания тегишли чораларни кўради.
Marion Biotech Ҳиндистон пойтахти Деҳли яқинидаги Ноида шаҳрида жойлашган. Компаниянинг веб-сайти ҳозирда ишламаяпти, аммо компаниянинг LinkedIn саҳифасида айтилишича, у 1999 йилда ташкил этилганлиги ва унинг маҳсулотлари "Марказий Осиё, Марказий ва Лотин Америкаси, Жануби-Шарқий Осиё ва Африкада кенг танилган".
"Дунё дорихонаси" деб аталадиган Ҳиндистон дунёдаги барча дори-дармонларнинг учдан бир қисмини, асосан, патентланмаган дорилар (дженериклар) шаклида ишлаб чиқаради ва ривожланаётган мамлакатларнинг тиббий эҳтиёжларининг аксариятини қондиради.
Нафақат Ўзбекистонда
Октябр ойида Жаҳон Соғлиқни сақлаш ташкилоти Ҳиндистонда ишлаб чиқарилган тўрт хил йўтал сиропининг Гамбияда буйрак шикастланишидан 66 боланинг ўлими билан боғлиқ эканини аниқлади. Сироп намуналари таҳлили улар таркибида йўл қўйиб бўлмайдиган миқдорла диэтиленгликол ва этиленгликол заҳарли моддалари борлигини кўрсатди.
Ҳиндистон ҳукумати ҳам, сироп ишлаб чиқарувчи Maiden Pharmaceuticals компанияси ҳам айбловларни рад этди.
Декабр ойида Ҳиндистон ҳукумати синовларга кўра, бу сироплар спецификацияларга жавоб беришини айтди ва ҳукумат расмийси Би-би-cига ЖССТ сиропларни айблаганини айтди. Бироқ, ЖССТ ўз тадқиқотлари натижаларидан воз кечмаслигини айтди.
Ўтган ҳафта, бир неча ҳафталик терговдан сўнг, Гамбия парламент қўмитаси Maiden Pharmaceuticals-ни жиноий жавобгарликка тортишни тавсия қилди. Қўмита, шунингдек, ушбу компаниянинг барча маҳсулотларини мамлакатда тақиқлашни тавсия қилди.
