Декабрь ойи охирида 37 ёшли португалиялик араб клуби билан 2025 йилгача давом этадиган шартнома имзолади.
Аввалроқ Криштиану футбол тарихидаги энг юқори – ҳафтасига 1 миллион доллардан ортиқ маош олиши ҳақида хабар берилган эди. Футболчи бутун дунё клубларидан таклифлар олгани, аммо у “ал-Наср”ни танлаганини айтди.
- Буни ҳеч ким билмайди, лекин ҳозир айтишим мумкин: менда Европада жуда кўп вариантлар бор эди, Бразилияда, Австралияда, АҚШда кўплаб клублар бор эди, – деди “Олтин тўп”нинг кўп карра ғолиби. - Ҳатто Португалияда ҳам кўплаб жамоалар мен билан шартнома имзолашга ҳаракат қилишди, лекин мен бу клубга нафақат футболни, балки бу ажойиб мамлакатда бошқа нарсаларни ҳам ривожлантириш ҳақида сўз бердим.
