Йил давомида барча сотиб олиши мумкин бўлган кўкатлар жуда кўп фойдали хусусиятларга эга. Гап укроп ҳақида кетяпти.

Мутахассислар укропни жуда фойдали маҳсулот деб ҳисоблашади. Укроп антиоксидантлар ва витаминларга жуда бой, бу касалликларнинг олдини олувчи кучли восита бўлиши мумкин. Бу ҳақида HealthLine ёзади.

Укроп таркибида флавоноидлар - юрак хасталиги ва инсульт хавфини камайтирадиган, шунингдек, мия соғлиғини қўллаб-қувватлайдиган моддалар мавжуд. Бундан ташқари, унинг таркибида етарли миқдорда терпеноидлар мавжуд – улар жигар, юрак, буйрак ва мия касалликларидан ҳимоя қилади. Кўкатлар таркибидаги танинлар антибактериал таъсирга эга. С витамини эса терининг соғлиғини қўллаб-қувватлайди, қон босимини пасайтиради, қариш пайтида фикрлаш ва хотирани ҳимоя қилади.

Укроп қандай фойда келтиради?

Антибактериал таъсир. Укроп таркибидаги эфир мойлари антибактериал таъсирга эга. Улар потенциал зарарли бактериялар билан курашадилар.

Юрак-қон томир тизимини ҳимоя қилиш. Жониворларда ўтказилган тадқиқотлар шуни кўрсатдики, укроп экстракти холестерин ва триглицеридларни камайтиради. Бироқ, инсонни ўрганиш натижалари ноаниқ.

Суяк саломатлигини яхшилайди. Укроп таркибида суяк саломатлиги учун муҳим бўлган кальций ва магний мавжуд.

Қон таркибидаги қанд миқдорини камайтиради. Қандли диабет билан оғриган ҳайвонлар устида олиб борилган бир нечта тадқиқотлар оч қоринга укроп экстрактини истеъмол қилишда қондаги қанд миқдорининг сезиларли яхшиланишини кўрсатди.

Аллергияси бор одамлар укроп истеъмол қилиши мумкин эмас. Аммо бундай ҳолатлар ҳақиқатан ҳам кам учрайди.