Таъкидланишича, қуролларнинг умумий қиймати тахминан 2,2 миллиард долларни ташкил қилади. Пакет ҳажми ҳақидаги бундай маълумотларни брифингда генерал Патрик Райдер эълон қилди.
"Бугун АҚШ Мудофаа вазирлиги Украинага 2 миллиард доллардан ортиқ миқдорда янги ҳарбий транш ажратилишини эълон қилди. Пакетга артиллерия учун ўқ-дорилар, танкга қарши Javelin ракеталари, шунингдек, HIMARS учун ўқ-дорилар киради" - деди ҳарбий ҳаво кучлари генерали.
150 км гача бўлган масофага уча оладиган GLSDB ракеталари алоҳида эътиборга лойиқдир. Бундай катта радиусли қурол Украинага етказиш учун биринчи марта тасдиқланди. Ракета Украина армиясида қўлланаётган М-270 ва М-142 ер усти ракета қурилмаларида фойдаланиш учун мўлжалланган. Снарядлар юқори даражадаги маневр ва нишонга тегиш аниқлиги билан ажралиб туради.
Россия оммавий ахборот воситалари янги қуроллар Россия Федерациясининг босқинчи армияси учун хавф туғдиришини аллақачон фаол муҳокама қилмоқда. Ракеталардан Қримга зарба бериш учун фойдаланиш эҳтимоли алоҳида ташвиш уйғотади.
