Пригожин ва "Армагеддон генерали" Суровикиннинг жуда жиддий муаммолари бор, дейди манбалар.

"Вагнер" ХҲК раҳбари Евгений Пригожин Украинадаги "махсус операция"нинг истеъфодаги қўмондони Сергей Суровикин билан биргаликда диктатор Путинга қарши фитна уюштиришга уринди. Улар фош қилинди. Энди иккаласи ҳам йўқ қилиниши мумкин.

Бу ҳақида таниқли россиялик ҳуқуқ ҳимоячиси, Gulagu.net асосчиси Владимир Осечкинга таяниб, The Sun нашри мақола чоп этди.

Унга кўра, Пригожин ва Суровикин кейинчалик Россия диктаторини назорат қилиш учун давлатдаги муҳим лавозимларни эгаллашни режалаштирган эди. Буни амалга ошириб бўлмади.

Осечкиннинг таъкидлашича, "Вагнер" раҳбари ва "генерал Армагеддон" 2022 йил сентябр ойида тил бириктирган. Кейин Суровикинга "махсус операция" қўмондони лавозими берилди ва Пригожинга Россия қамоқхоналаридаги маҳкумларни Украинада тўп еми сифатида ишлатиш учун ёллашга рухсат берилди.

Осечкиннинг айтишича, фитнада Чеченистон раҳбари Рамзан Қодиров ҳам иштирок этган. Улар фронтдаги ютуқлар эвазига юқори лавозимларни эгаллашни режалаштиришган. "Суровикин мудофаа вазири бўлишни, Пригожин ФСБ бошлиғи бўлишни, Қодиров эса Миллий гвардияга раҳбарлик қилишни режалаштирган эди... Учаласи ҳокимиятни бирлаштириб, сўнгра ўз мавқеидан фойдаланган ҳолда Путинни назорат қилиб, урушни олиб боришни мақсад қилган", - дейилади мақолада.

Осечкиннинг сўзларига кўра, Пригожин ФСБни бошқаришни орзу қилади, чунки бу ташкилот унга қарши жуда жиддий компромат далилларга эга ва шу сабабли унинг "сиёсий келажаги йўқ".

Ҳуқуқ ҳимоячиси Пригожин махсус хизматларни Қрим кўприги хавфсизлигини таъминлай олмагани учун танқид қила бошлаганида ўзини фош қилган, деб ишонтирмоқда. Энди унинг фикрича, "Вагнер" йўқ қилиниши мумкин.

"Пригожиннинг умри шу йил охиригача давом этишига ишонишга асосим йўқ. У жуда кўп нарсани билади, кўп нарсага аралашади. Путин учун у абадий ғойиб бўлиши ва ўзи билан сирларни олиб кетиши муҳим", - деди Осечкин.