АҚШ президенти Жо Байденнинг фикрича, Украина рус босқинчиларига қарши урушда ғалаба қозонишда давом этади. Бу ҳақида у Киевда президент Зеленский билан учрашувда маълум қилди.
Унинг сўзларига кўра, Россия Федерациясининг Украинага қарши уруши Иккинчи жаҳон урушидан кейинги Европадаги энг йирик қуруқлик можаросидир.
"Сиз ўз кутганингиздан бошқа барча кутганларга зид равишда бунга эришдингиз. Ишончим комилки, сиз ғалаба қозонишда давом этасиз", - деди Байден.
Унинг қайд этишича, унинг Киевга ташрифи АҚШнинг Украина мустақиллиги, суверенитети ва ҳудудий яхлитлигини қўллаб-қувватлашини намойиш этади.
"Менимча, Қўшма Штатлар Украинани шафқациз тажовузга қарши урушда қўллаб-қувватлаётганига шубҳа қолдирмаслик керак. Даҳшатли воқеалар бўлди, босқинчилик, лекин айни пайтда украиналиклар ўзларини жуда кам халқлар кўрсатган тарзда кўрсатдилар. Улар бизга демократия маъносини тушунишга ёрдам беришди", деди АҚШ президенти.
Байден Зеленский билан АҚШ ва иттифоқчилар Украинага қандай қилиб самаралироқ ёрдам беришини муҳокама қилишини таъкидлади.
