Дунёнинг энг бой одами Бернард Арно АҚШ иқтисодиётининг заифлашиши ҳашаматли товарларга бўлган талабни камайтиради деган таҳдид туфайли бир кун ичида 11,2 миллиард доллар бойлигини йўқотди. Бу ҳақда Kazinform NDTV.comга таяниб хабар беради.
Louis Vuitton, Moet & Chandon ва Christian Dior каби брендларни ўз ичига олган Франциянинг LVMH трансмиллий компанияси асосчиси Б.Арнонинг бойлиги 2023 йилда тез ўсишни кўрсатди. Чунки Европа ҳашаматли товарлар ишлаб чиқарувчи компанияларининг акциялари қиймати дарҳол ошди.
Бироқ, сешанба куни вазият бироз ўзгарди. Парижда LVMH акциялари 5 фоизга тушди (бир йил ичида энг юқори кўрсаткич). Шундай қилиб, Европа ҳашаматли сегменти бир кунда жами 30 миллиард доллар йўқотди.
Бироқ, Bloomberg миллиардерларнинг индексига кўра, Б.Арнонинг қимматли қоғозлар нархининг пасайганлиги сабабли бойлиги ҳамон 191,6 миллиард долларни ташкил этади. Бу йил унинг хазинаси 29,5 миллиард долларга тўлди. Эслатиб ўтамиз, Бернард Арно ва дунёнинг иккинчи энг бадавлат одами Илон Маскнинг бойлиги ўртасидаги тафовут 11,4 миллиард долларга камайди.
