Туркия Президенти Режеп Таййип Эрдўғоннинг айтишича, ухлаш учун минимал вақт билан қизғин иш жадвали расмийларда муваффақиятли ва самарали фаолиятнинг калитидир, деб хабар беради РИА “Новости”.

Туркия раҳбари иш жойини кўпинча ярим тундан тарк этишини ва ухлаш учун кунига олти соатдан кўп вақт ажратмаслигини тан олди. Эрдўғон қизғин иш жадвали халқ билан мустаҳкам алоқалар ўрнатишнинг калити эканлигини ва ўзидан яхши мерос қолдиришга имкон беришини қўшимча қилди. "Мен бошқача қила олмайман", деб тан олди Туркия раҳбари. Унинг қўшимча қилишича, ҳокимиятда бўлишни истаганлар "кунига 24 соат, йилига 365 кун жадал суръат ва мотивация билан ишлашга тайёрланишлари керак”.