Колани сувдек симирадиганлар диққатига! Ичимлик тишдан суяккача, юракдан буйраккача бўлган органларни емириб, секин-аста ўлимга олиб келади.
Ичиб тўймайдиган газли ичимликлар аслида бир қанча хасталикларга сабаб бўлади. Машҳур ёзувчи Карен Хилл “Бас, ортиқ парҳез қилишни истамайман” номли китобида ушбу ичимликлар сабаб бўладиган 12 та касаллик ҳақида ёзди. Карен Хилл кунига 1-2 литрдан кўп истеъмол қилинадиган кола ичимлиги ҳақида “Кола организмни ўргатиб худди гиёҳванддек ўзига мубтало қиладиган хусусиятга эга. Уни ташлаш гиёҳванд моддани тарк этишдек заҳматлидир. Ташлашга қарор берилган илк кун қўрқинчли бош оғриқлари, титрашлар, асабийлик ва уйқусизлик бўлади. Касал 2 кун ўтганидан кейингина ўзини тиклай бошлайди” дейди.
Хиллнинг фикри бўйича кола ичимлиги сабаб бўладиган 12 та касаллик қуйидагилар:
1. Рак. 2. Жигар хасталиги. 3. Тиш қуртлаши. 4. Буйрак тошлари ва хроник буйрак хасталиги. 5. Қанд касаллиги. 6. Жиғилдон қайнаши. 7. Суяк нозиклашуви. 8. Қон босими кўтарилиши. 9. Юрак касаллиги. 10. Ҳазм қилиш бузилиши. 11. Альцгеймер. 12. Семириб кетиш.
